26.11.2024 | 22:26
Իմ կալանքը ծառայում է Ադրբեջանի բռնապետության և նրա հանցակից ռուսական կայսրության շահերին․ Ադրբեջանում բանտարկված դիվանագետ
Ուկրաինայի իշխանությունները հայտարարել են, որ ռուսական կողմը չի պահպանում «լռության ռեժիմը»
Քաղաքականություն
05.03.2022 | 16:43
Ռուսական կողմը չի հետևում «լռության ռեժիմին» և շարունակում է հրետակոծել ինչպես Մարիուպոլը, այնպես էլ նրա շրջակայքը։ BBC-ի ռուսական ծառայության փոխանցմամբ՝ այս մասին հայտնել է Մարիուպոլի քաղաքային խորհուրդը։
Աղբյուրի փոխանցմամբ՝ այդ պատճառով խաղաղ բնակչության տարհանումը հետաձգվել է։
«Մարիուպոլի բոլոր բնակիչներին խնդրում ենք գնալ ապաստարաններ: Տարհանման մասին լրացուցիչ տեղեկատվություն կհրապարակվի առաջիկայում: Այս պահին բանակցություններ են ընթանում Ռուսաստանի Դաշնության հետ՝ լռության ռեժիմ սահմանելու և մարդասիրական միջանցքի անվտանգությունն ապահովելու համար»,- ասված է հաղորդագրությունում։
Այսօր ՌԴ Պաշտպանության նախարարությունը Մոսկվայի ժամանակով առավոտյան ժամը 10-ից Ուկրաինայում «լռության ռեժիմ» է հայտարարել։
ՌԴ ՊՆ-ն պնդում էր, որ այսուհետ ուկրաինական կողմի հետ համաձայնությամբ մարդասիրական միջանցքներ են բացվելու երկրի հարավ-արևելքում շրջափակված քաղաքներից՝ Մարիուպոլից և Վոլնովախայից խաղաղ բնակիչներին դուրս բերելու համար։
