18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Պատերազմն արդեն չի ընթանում Պուտինի պլաններով. Բլինքեն
Քաղաքականություն
05.03.2022 | 14:04
ԱՄՆ պետքարտուղար Էնթոնի Բլինքենը հայտարարել է, որ համոզված է Ռուսաստանի հետ դիմակայությունում Ուկրաինայի հաղթանակում։ Ըստ նրա՝ Պուտինը հավանաբար չէր սպասում ուկրաինացիների նման «անսովոր դիմադրությանը»։ Այս մասին նա հայտարարել է BBC-ին տված հարցազրույցում։
«Եթե Մոսկվան մտադիր է ինչ-որ կերպ տապալել կառավարությունը և հաստատել իր խամաճիկ ռեժիմը, ապա 45 միլիոն ուկրաինացիներ այս կամ այն կերպ կմերժեն նրան»,- ասել է Բլինքենը։
ԱՄՆ պետքարտուղարի խոսքով՝ պատերազմն արդեն չի ընթանում Պուտինի պլաններով։ Ուկրաինայի Զինված ուժերի դիմադրությունն ինը օր շարունակ թույլ չի տալիս տեղաշարժվել երկրի խորքը։
ԱՄՆ պետքարտուղարը հաստատել է, որ ԱՄՆ-ը կշարունակի ճնշում գործադրել Ռուսաստանի վրա՝ մինչև ռազմական գործողությունների ամբողջական դադարեցումը։
Հարցին, թե վստա՞հ է արդյոք, որ Ուկրաինան կհաղթի այս հատերազմում, նա ասել է. «Ժամանակի ընթացքում, միանշանակ»:
«Չեմ կարող ձեզ ասել, թե այն որքան ժամանակ կշարունակվի: Չեմ կարող ասել, թե որքան ժամանակ կպահանջվի: Բայց այն գաղափարը, որ Ռուսաստանը չի կարող իր կամքին ենթարկել 45 միլիոն մարդկանց, ովքեր եռանդուն պայքարում են իրենց ապագայի և իրենց ազատության համար, դա ձեզ շատ բան է ասում»,- հավելել է պետքարտուղարը:
