08.08.2026 | 11:24
Արթիկի դպրոցի հաշվապահը կատարել է առանձնապես խոշոր չափերի հափշտակություն. Հակակոռուպցիոն կոմիտե
«Սերժ Սարգսյանի երկխոսության կոչը մեսիջ է այն ուժերին որոնք չեն երևում»․ քաղտեխնոլոգ
Քաղաքականություն
21.04.2018 | 15:43
«Հայաստանում իրականացվում է քաղաքական կազմակերպված մի գործընթաց, որի նպատակը կառավարելի քաոս ստեղծելն է, որը չպետք է մեծանա, քանի որ քաղաքական տեքստ չկա, և չպետք է պակասի»,-Factor.am-ի հետ զրույցում ասաց քաղտեխնոլոգ Արմեն Բադալյանը։
Վերջինս նկատում է, որ այն ուժերը, որոնք կազմակերպել են այս գործընթացը, թույլ չեն։
«Գործող վարչապետը հասկանում է, թե որտեղից են երևում ականջները։ Ինքը, սակայն, չի հասկանում, թե ինչի կարող է վերածվել այս ամենը։ Երկխոսությունը մեսիջ է այն ուժերին, որոնք չեն երևում։ Մյուս կողմից քաղաքական բովանդակություն չունի շարժումը և բացառված չէ, որ Նիկոլ Փաշինյանը բարձր սանդղակ է վերցրել նոր վարչապետի նշանակման հայտարարությամբ, որ Սերժ Սարգսյանը գնա բանակցությունների ճանապարհով»,- ասում է Արմեն Բադալյանը։
Նա, ի դեպ, չի բացառում, որ իշխանությունը ուժ կգործադրի ցուցարարների հանդեպ։ «Սակայն հետաքրքիրն այն է, որ արևմտյան ոչ մի երկիր չի շնորհավորել Սերժ Սարգսյանին։ Դա մեսիջ է նրան՝ հանկարծ ուժ չկիրառես, որովհետև դա կլինի Արևմուտքի հանդեպ գործադրվող ուժ»,- ասաց քաղտեխնոլոգը։
Ի դեպ, նա «Քայլ արա՝ մերժիր Սերժին» շարժումը արևմտյան նախագիծ չի համարում։
Մհեր Արշակյան
