Իշխանությունները ելքեր են փնտրում. լավագույն լուծումը, որի շուրջ մտմտում են, բանակցություններն ու փոխզիջումներն են. «Հրապարակ»

«Հրապարակ» թերթը գրում է.

«Իշխանության վերնախավում այս պահին հստակ սցենար չկա, թե ինչպես ճնշել ակցիաները: «Շատ բարդ իրավիճակ է ստեղծվել, չիմանաք՝ Սերժ Սարգսյանի համար հեշտ է, 2008թ․ մարտին Քոչարյանի վրա էր ամբողջ պատասխանատվությունը, իսկ հիմա իր վրա է։ Սա գազի գին չէ, որ ասի՝ կսուբսիդավորենք, և լիցքաթափվի: Հստակ է, որ պետք է մինչև ապրիլի 24-ը որևէ կերպ թուլացնեն շարժումը, քանի որ լիքը հյուրեր են լինելու, ամոթ է, սակայն դեռ որևէ սցենար չունեն, հետևում են դեպքերի զարգացմանը, փորձում են ամեն ինչ՝ բերման ենթարկել, ճնշումներ տեղերում, սակայն կարծես դա լուծում չէ։

Նա նշեց, որ հնարավոր է՝ Սերժ Սարգսյանը հանդիպի պայքարող երիտասարդների հետ, ստորագրվի հուշագիր, քաղհասարակության ներուժը ոչ թե փոշիացնեն, այլ նրանց տրվեն լիազորություններ՝ վերահսկողություն տարբեր օղակներում: «Օրինակ՝ բոլոր մարմիններն ունեն հասարակական խորհուրդներ, կոլեգիաներ, որտեղ ոչ թե կասկածելի ՀԿ-ներ պետք է ընդգրկվեն, այլ հենց այս երիտասարդները։ Դա լավագույն հաղթանակը կլինի այս պայքարի, նրանք կվերահսկեն իշխանության աշխատանքը, կոռուպցիա թույլ չեն տա, երկիրն էլ կզարգանա»:

Ի դեպ, Սերժ Սարգսյանը պատրաստ է զիջումների գնալ, ինչի վկայությունն էր առանձնատնից հրաժարվելը, հարցազրույցը, այն, որ հայտարարեց, թե առաջիկայում եկամտահարկը կնվազեցվի, իսկ հունվարի 1-ից թոշակները և նվազագույն աշխատավարձը կբարձրանան

Առավել մանրամասն՝ թերթի այսօրվա համարում: