18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Ադրբեջանը կաշառելով միջազգային կառույցների գործիչներին, ստանում է ադրբեջանանպաստ որոշումներ․ Այվազյան․ ՏԵՍԱՆՅՈՒԹ
Քաղաքականություն
02.03.2022 | 14:26
Ադրբեջանը օգտագործում է կոռուպցիան որպես ռազմավարություն միջազգային հարաբերություններում բարենպաստ դիրք ունենալու համար։ «Հայատյացությունն Ադրբեջանում և էթնիկ զտման վտանգը Արցախում» խորագրով հանրային քննարկման ժամանակ այս մասին նշեց ԹԻՀԿ գործադիր տնօրեն Սոնա Այվազյանը:
Նրա խոսքով՝ Ադրբեջանը կաշառելով միջազգային կառույցների գործիչներին, ստանում է ադրբեջանանպաստ որոշումներ, կան մի շարք բացահայտված դեպքեր, երբ ադրբեջանական կաշառքի, այսպես կոչված «խավիարային դիվանագիտության» արդյունքում ԵԽԽՎ-ում կայացվել են մի շարք ադրբեջանամետ որոշումներ։
Այվազյանի խոսքով՝ 14+4 կաշառված եվրոպացի պատգամավորների նկատմամբ կիրառվել են պատժամիջոցներ:
«Ցավոք, սակայն, այս բացահայտումների շրջանակում, չի նշվում, որ կաշառված պատգամավորները աչք են փակել հնարավոր արցախյան պատերազմի վրա։ Այս ամենի համատեքստում, միջազգային գործընկերները կաշկանդված են եղել կոշտ դիրքորոշումներ հայտնելու»,- նշեց Այվազյանը:
Մանրամասները՝ տեսանյութում:
