Դատարանը որոշեց բերման ենթարկվել ընտանեկան բռնության գործով մեղադրյալին, տուժողին և վկային

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Այսօր Արմավիրի մարզի ընդհանուր իրավասության դատարանի Արմավիրի նստավայրում տեղի ունեցած դատական նիստին մեղադրյալը, տուժողը և վկաները չէին ներկայացել։ Նիստին ներկա էր միայն մեղադրող դատախազ Անդրանիկ Սահակյանը, ով հայտարարեց, որ եթե դատավորը որոշի բերման ենթարկել դատավարության կողմերին, ինքը չի առարկի։

Դատավոր Արթուր Ադամյանը հայարարեց, որ դատավարության կողմերը ծանուցումները չեն ստացել, ինչը նշանակում է անհարգալից վերաբերմունք դրսևորել դատարանի նկատմամբ։ Դատարանը որոշեց բերման ենթարկվել ընտանեկան բռնության գործով մեղադրյալին, տուժողին և չափահաս վկային։ Անչափահաս վկային բերման ենթարկելու որոշում դատավորը չկայացրեց։ Հաջորդ դատական նիստը նշանակվեց ապրիլի 11-ին՝ 10։30-ին։

Սույն քրեական գործի շրջանակներում Վ․Կ․-ին մեղադրանք է առաջարդվել կնոջը ծեծելու համար։ Մեղադրական եզրակացության համաձայն՝ 2020 թվականի ապրիլին Վ․Կ․-ն վիճակաբանել է կնոջ հետ կենցաղային հարցերի շուրջ, որի ընթացքում բռունցքով 8 անգամ դիտավորյալ հարվածել է վերջինիս դեմքին և մարմնին՝ կնոջը հասցնելով առողջության թեթև վնասի հատկանիշներ չպարունակող մարմնական վնասվածքներ։

Տղամարդու նկատմամբ մեղադրանք է առաջադրվել ՀՀ քրեական օրենսգրքի 118-րդ հոդվածով նախատեսված արարքի համար (ծեծ)։ Արարքի համար նախատեսված է պատիժ տուգանք՝ մինչև 100 հազար ՀՀ դրամի չափով կամ կալանք՝ առավելագույնը երկու ամիս ժամկետով:

Այս գործով, սակայն, ամենայն հավանականությամբ, մեղադրյալը պատասխանատվության չի ենթարկվի, քանի որ նրան մեղսագրվող արարքը համարվում է ոչ մեծ ծանրության հանցանք, ուստի դրա վաղեմության ժամկետը հաշվվում է երկու տարի՝ հանցանքն ավարտված համարելու օրվանից։ Շուտով կլրանա տվյալ գործով վաղեմության ժամկետը և եթե մեղադրյալն ինքը չառարկի, նրա նկատմամբ քրեական հետապնդումը կդադարեցվի։

Ընտանեկան բռնության գործերի զգալի մասը հենց այսպիսի ավարտ է ունենում։ Factor.am-ը ներկայացրել էր կնոջ նկատմամբ բռնության մեկ այլ գործ, որով բռնարար տղամարդուն նկատմամբ ՀՀ քրեական օրենսգրքի երեք հոդվածներով առաջադրված մեղադրանքով հետապնդումը դադարեցվել էր վաղեմության ժամկետը լրանալու հիմքով։

Արման Ղարիբյան