24.04.2024 | 10:00
Բռնցքամարտի ԵԱ-ում ապրիլի 24-ին Հայաստանն ունի 7 մասնակից
Հայաստանում շարունակվում է պետական, համայնքային հաստատությունների սերժազերծման գործընթացը. Լևոն Բարսեղյան. ՏԵՍԱՆՅՈՒԹ
Քաղաքականություն
20.04.2018 | 21:19
«Այս ժամացույցը երեքհարյուր տարի հետ է, կարգի է պետք բերել երկիրը, ժողովուրդ»,- այսօր հանրապետության հրապարակում հայտարարեց Գյումրիի ժուռնալիստների «Ասպարեզ» ակումբի նախագահ Լևոն Բարսեղյանը՝ շարունակելով՝ «Մենք անպայման հաղթելու ենք»:
Լևոն Բարսեղյանն ասաց՝ այդպես մտածելու հիմք է հանդիսանում այն, որ առավոտյան Երևան գալուց Բազմաբերդ գյուղի մոտ փակել են իր ճանապարհը:
«Գիտեք՝ իմ ճանապարհը միշտ ոստիկաններ են փակել, սակայն այսօր մի կերպ համոզեցի, թողեցին, եկա, տեղ հասա հետո իմացա, որ վարորդին բռնել են, հետո սկսեցին գրել, թե ինչ եղավ Հայկը: Ասում եմ՝ ոստիկանները թող մտածեն՝ ոնց են պրծնելու ձեռքից»,- պատմեց Լևոն Բարսեղյանը:
Բարսեղյանը շեշտեց՝ Հայաստանում շարունակվում է պետական, համայնքային հաստատությունների սերժազերծման գործընթացը:
«Պետք է հեռացնել Սերժ Սարգսյանի նկարները, և այն ամենը,ինչ կհիշեցնի սերժաստանը: Այսօր ահազանգել են ինձ մի քանի դպրոցներից, որ տնօրենները պաշտպանել են Սերժ Սարգսյանի լուսանկարը, եթե վաղն այդ տնօրենները իրենց ձեռքով այդ լուսանկարները չհանեցին, հերթով կանցնենք այդ դպրոցներով և կհանենք այդ բոլոր նկարները»,- հավելեց պարոն Բարսեղյանը:
Ըստ Լևոն Բարսեղյանի՝ տնօրենները պետք է գլխի ընկնեն, որ կրթությունը պետք է զերծ լինի քաղաքականությունից, առավելևս՝ սերժիզմից:
«Ողբ եմ լսում տարբեր համայնքներից, որ իրենց փակել են տարբեր դպրոցներում և կառույցներում, փախեք: Կարող է թվալ, բայց ապստամբ երեխաների դեմ դուրս են գալիս իրենց տատիկները, պապիկները, ծնողները»,- հավելեց Բարսեղյանը՝ կոչ անելով չխոչընդոտել դպրոցականներին:
