15.11.2024 | 22:44
ՄԻԵԴ-ը Թուրքային պարտավորեցրել է միլիոնավոր եվրոների փոխհատուցում վճարել հեղաշրջման փորձից հետո ապօրինի ձերբակալվածներին
Ժողովրդավարության այս գործընթացը հաղթանակ է գրանցել Հայաստանում. Արմեն Գրիգորյան
Քաղաքականություն
20.04.2018 | 20:53
«Հայաստանում գաղջ մթնոլորտը ցրված է, և փորձը ցույց է տալիս, որ այդ գաղջ մթնոլորտի պատճառը ոչ թե լրագրողներն են, այլ մեկ անձ, որի անունն է Սերժ Սարգսյան»,- այս մասին այսօր Հանրապետության հրապարակում ունեցած ելույթում հայտարարեց «Մերժիր Սերժին» նախաձեռնության անդամ Արմեն Գրիգորյանը:
Ըստ Արմեն Գրիգորյանի՝ ժողովրդավարության այս գործընթացը հաղթանակ է գրանցել Հայաստանում, և որպես այդ հաղթանակի ապացույց նշում է հրապարակում առկա քաղաքացիների մասնակցությունը:
«Չկա որևիցե պետական ևն ոստիկանական ուժ, որը կարող է հաղթել այս կազմակերպված շարժմանը: Ուզում եմ կոչ անել շարունակել պայքարը: Կոչ եմ անում, որ մենք այստեղ գանք մեր ընկերների, հարևանների, բարեկամների հետ: Այստեղ պետք է լինեն 100 հազարավոր մարդիկ»,- հարթակից նշեց ընդդիմադիր շարժման ներկայացուցիչը՝ շարունակելով. «Շատ կարևոր փաստ պետք է արձանագրենք՝ Սերժ Սարգսյանը երեկ հրաժարվել է առանձնատնից, այսօր առաջարկում է հարկեր իջեցնել և թոշակներ բարձրացնել, բայց նրան ոչ ոք չի հավատում»:
Ըստ Արմեն Գրիգորյանի՝ Սերժ Սարգսյանը մտածում է , որ կարող է տասը տարի խաբել, բայց հենց հրապարակում մարդիկ հավաքվեն այդ ժամանակ ևս կարող է փորձել խոստումներ տալ:
«Փորձը ցույց է տալիս, որ քաղաքականությունը ևս սկզբունքներ ունի, և եթե այդ սկզբունքները խախտում են, հեռանում են»,- եզրափակեց «Մերժիր Սերժին» նախաձեռնության անդամը:
