29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Անդրանիկ Քոչարյանը պարզաբանե՞ց քառօրյայի հանգամանքները, հիմա՛ էլ ոչինչ չենք իմանալու. Թագուհի Թովմասյան․ ՏԵՍԱՆՅՈւԹ
Քաղաքականություն
28.02.2022 | 19:27
«Ընդդիմությունը նախագահի թեկնածու չի առաջադրել, որոշել է ընդհանրապես բոյկոտել նախագահի ընտրության հարցը. գործընթացը չլեգիտիմացնելու ճանապարհով գնալը տարբերակներից մեկն էր, որ կարող էր խորհդարանական ընդդիմությունն օգտագործել որպես գործիք»,- Factor.am-ի հետ զրույցում այս մասին նշեց «Պատիվ ունեմ» խմբակցության պատգամավոր Թագուհի Թովմասյանը:
Նրա խոսքով՝ նախագահի թեկնածու Վահագն Խաչատրյանը, որպես անձ, այնքան էլ քննադատելի չէ. «Սակայն քաղաքական կերպար է, և բազմիցս հայտարարել է, որ Նիկոլ Փաշինյանի թիմի անդամ է, սա նշանակում է, որ ունենալու ենք ՔՊ-ին կից նախագահ»:
Անդրադառնալով դիտարկմանը, որ ընդդիմությունը չի մասնակցելու նաև 44-օրյա պատերազմի հանգամանքներն ուսումնասիրող քննիչ հանձնաժողովի աշխատանքներին, Թովմասյանը նշեց. «Այդ հանձնաժողովը պետք է լինի ընդդիմության գործիքներից մեկը, չի կարող ենթադրյալ հանցագործը քննել իր հանցագործության վարկածը: Երբեք չենք իմանալու իրականությունը:
Անդրանիկ Քոչարյանը պարզաբանե՞ց քառօրյայի հանգամանքները, ամեն ինչ արվեց պետական գաղտնիքի քողի տակ, ի՞նչ տվեց դա հանրությանը: Հիմա էլի ոչինչ չենք իմանալու: Չի կարող իշխանությունը բացահայտել իր սխալները»:
Մանրամասները՝ տեսանյութում:
