24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Լավրովի այցը Ժնև՝ ՄԱԿ-ի ՄԻԽ նիստին չեղարկվել է՝ նրա ինքնաթիռի թռիչքի արգելքի պատճառով
Քաղաքականություն
28.02.2022 | 18:49
Ռուսաստանի ԱԳ նախարար Սերգեյ Լավրովի այցը Ժնև՝ ՄԱԿ-ի Մարդու իրավունքների խորհրդի նիստին և Զինաթափման կոնֆերանսին չեղարկվել է՝ մի շարք եվրոպական երկրների օդային տարածքում նրա ինքնաթիռի թռիչքի արգելքի պատճառով, գրում է ՌԲԿ-ն։
«Լավրովի այցը Ժնև՝ ՄԱԿ-ի Մարդու իրավունքների խորհրդի նստաշրջանին և Զինաթափման կոնֆերանսին մասնակցության համար, չեղարկվել է՝ նրա ինքնաթիռի թռիչքի համար ԵՄ մի շարք երկրների օդային տարածքում սահմանափակումների պատճառով, որոնք հակառուսական պատժամիջոցներ են սահմանել»,- ասվում է Ժնևում ՌԴ ներկայացուցչության հայտարարության մեջ։
Լավրովի այցը նախատեսված էր մարտի 1-ին։ Առավոտյան նա պետք է ելույթ ունենար ՄԱԿ-ի Մարդու իրավունքների խորհրդի 49-րդ նստաշրջանում։
Նշենք, որ փետրվարի 27-ից ԵՄ երկրները փակել են իրենց օդային տարածքը ՌԴ-ի օդանավերի համար։
Էմմա Չոբանյան
