ԵՄ-ից ներկայացրել են Ուկրաինային կազմակերպություն ընդունելու ընթացակարգը

Եվրամիությունում կսկսեն դիտարկել Ուկրաինայի անդամակցության հայտը` երկրի նախագահ Վլադիմիր Զելենսկիի կողմից դիմում ստանալուց հետո։ Այս մասին ԵՄ աղբյուրին հղում անելով՝ հայտնում է «Ինտերֆաքս-Ուկրաինան»։

«Երեկ ես 7 կամ 9 անգամ խոսել եմ արտգործնախարարի հետ։ Ակնկալում եմ, որ, ամենայն հավանականությամբ, մենք այն կստանանք մոտ ժամանակներս, այնուհետև, դա միանգամայն ակնհայտն է, կսկսվի համապատասխան գործընթացը․ խորհուրդը կդիտարկի հայցը շատ արագ, որպեսզի որոշում կայացնի, կամ հրատապ կարծիք կհարցնի Եվրոպական հանձնաժողովից։ Այդ պատճառով միանգամայն հասկանալի է, թե ինչպիսին է լինելու գործընթացը։ Հետևաբար, մենք ակնկալում ենք հայցը ստանալ մոտ ժամանակներս»,- ասել է նա։

ԵՄ ներկայացուցիչը նաև պարզաբանել է,  թե ինչպիսին է լինելու ընթացակարգը։

«Թույլ տվեք սկսել իրավական ասպեկտից․ պայմանագրի 49-րդ հոդվածը հստակորեն հիմք է տալիս, որ ցանկացած եվրոպական երկիր, որը կիսում է Միության հիմնարար արժեքներն ու սկզբունքները, կարող է դիմել անդամակցության համար: Ավելին, եթե խոսենք ընթացակարգի մասին, ապա սույն հոդվածում սահմանվում է նաև, թե նախ՝ ո՞ւմ պետք է ուղարկվի դիմումը։ Պայմանագրի համաձայն՝ դիմումը պետք է ուղարկվի Խորհուրդ, իսկ սա նշանակում է՝ Նախագահություն, որն այժմ Ֆրանսիան է։ Այնուհետ խորհուրդը կտեղեկացնի դիմումի մասին: Միաժամանակ, մենք պետք է տեղյակ պահենք Եվրախորհրդարանին և ազգային խորհրդարաններին»,- ասել է պաշտոնյան։

Տաթև Ֆռանգյան