05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
ԱՄՆ-ը փակում է Բելառուսում դեսպանատունը և թույլ տալիս ՌԴ-ից հեռանալ դեսպանության աշխատակիցներին
Քաղաքականություն
28.02.2022 | 18:14
ԱՄՆ Պետքարտուղարությունը հայտարարել է, որ դադարեցնում է իր գործունեությունը Բելառուսում, իսկ ՌԴ-ում գտվող դիվանագետներին թույլ է տալիս հեռանալ երկրից, գրում է The Hill-ը։
Նշվում է, որ այս քայլերն իրականացվում են Ուկրաինայում ռազմական գործողությունների ֆոնին։
«Մենք այս քայլերը ձեռնարկում ենք՝ ելնելով անվտանգության խնդիրներից, որոնք բխում են Ուկրաինայում ռուսական ռազմական ուժերի չհիմնավորված և չարդարացված հարձակումից»,- ասել է ԱՄՆ պետքարտուղար Էնթոնի Բլինքենը՝ հավելելով․ «Պետքարտուղարությունը շարունակում է ճշգրտել իր դիրքերը դեսպանատներում և հյուպատոսություններում ամբողջ աշխարհում՝ իր առաքելությանը, տեղական անվտանգության միջավայրին և առողջապահական իրավիճակին համապատասխան։ Մենք, ի վերջո, չունենք ավելի բարձր առաջնահերթություն, քան ԱՄՆ քաղաքացիների անվտանգությունն է, և դա ներառում է ԱՄՆ կառավարության անձնակազմը և նրանց աշխատակիցներին, որոնք ծառայում են ամբողջ աշխարհում»։
Պետքարտուղարությունը հայտնել է, որ թույլատրել է ոչ «ոչ հրատապ պաշտոն զբաղեցնող» աշխատակիցներին ու նրանց ընտանիքներին՝ հեռանալ Մոսկվայում գտնվող դեսպանատնից։
Լրատվամիջոցը գրում է, որ Բելառուսի մայրաքաղաք Մինսկում դեսպանատան գործունեության դադարեցումը կապված է այն լուրերի հետ, որ Բելառուսը պատրաստվում է զորքեր ուղարկել Ուկրաինա՝ աջակցելով ռուսական զինուժին։
Էմմա Չոբանյան
