24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Լուկաշենկոն ապահովել է իր ցմահ անձեռնմխելիությունը․ Բելառուսի Սահմանադրությունը կրկին փոխվել է
Քաղաքականություն
28.02.2022 | 20:39
Բելառուսի նախագահ Ալեքսանդր Լուկաշենկոն ապահովել է հետագայում իշխանությանն իր մնալը: Ընտրողների շուրջ 65 տոկոսը հանրաքվեի ընթացքում կողմ է քվեարկել Սահմանադրության համապատասխան փոփոխությունների օգտին։ Այս մասին հայտնել է Բելառուսի ԿԸՀ-ն։
Համազգային քվեարկության մասնակիցների 10 տոկոսը դեմ է քվեարկել փոփոխություններին, գրում է DW-ի ռուսական ծառայությունը։
Սահմանադրության փոփոխությունները Լուկաշենկոյին հնարավորություն կտան շարունակել առաջադրել իր թեկնածությունը նախագահական ընտրություններում։ Դրանք նաև երաշխավորում են նրան ցմահ անձեռնմխելիություն քրեական հետապնդումից, եթե նա հեռանա իշխանությունից:
Հրապարակման համաձայն՝ Սահմանադրության փոփոխությամբ 67-ամյա Լուկաշենկոն հետևում է Ռուսաստանի նախագահ Վլադիմիր Պուտինի օրինակին, որը 2020 թվականին սահմանադրական փոփոխություններ կատարեց, որոնք թույլ են տալիս նրան մնալ պետության ղեկավար մինչև 2036 թվականը։
Տաթև Ֆռանգյան
