29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Զմեինի կղզու ուկրաինացի զինվորականները ողջ են, գտնվում են գերության մեջ
Քաղաքականություն
28.02.2022 | 17:28
Զմեինի կղզու ուկրաինացի զինվորականները ողջ են, գտնվում են գերության մեջ։ Այս մասին հայտնել են Ուկրաինայի ռազմածովային ուժերից (ՌԾՈՒ), գրում է Unian-ը։
«Մենք շատ ուրախ ենք իմանալ, որ մեր եղբայրները ողջ են, նրանց հետ ամեն ինչ լավ է»,- ասվում է ՌԾՈՒ հաղորդագրության մեջ։
Տեղեկացվում է, որ ծովայինները երկու անգամ հետ են մղել ՌԴ զինուժի հարձակումը, սակայն զինամթերքի բացակայության պատճառով չեն կարողացել շարունակել պաշտպանել կղզին։
Ռազմածովային ուժերը հավելել են, որ ՌԴ Զինված ուժերի կողմից ոչնչացվել է կղզու ենթակառուցվածքը՝ փարոսը, աշտարակները, ալեհավաքներ և այլն։
ՌԴ Պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը հայտնել էր, թե Ուկրաինայի ԶՈՒ-ի 82 զինծառայողներ զենքերը վայր են դրել Զմեինի կղզու մերձակայքում՝ ՌԴ ԶՈւ ռազմական հատուկ գործողության արդյունքում։ Նրանք ստորագրել են ռազմական գործողություններից հրաժարվելու մասին համաձայնությունը և առաջիկայում կվերադարձվեն իրենց ընտանիքներին։
Մինչ այդ, Ուկրաինայի նախագահ Վլադիմիր Զելենսկին հայտարարել էր, որ Զմեինի կղզու բոլոր պաշտպանները զոհվել են, և որ նրանց հետմահու կշնորհվի Ուկրաինայի հերոսի կոչում:
Տաթև Ֆռանգյան
