08.06.2026 | 17:40
Եթե Ծառուկյանը լավ մտածի՝ պիտի մատաղ անի, որ ԱԺ չանցնի․ ՔՊ-ին օդ ու ջրի պես պետք են նրա մանդատները ․ Նորայր Նորիկյան․ ՏԵՍԱՆՅՈՒԹ
Չինաստանը Պուտինի միջուկային սպառնալիքներից հետո զսպվածության կոչ է արել
Քաղաքականություն
28.02.2022 | 16:48
Չինաստանը զսպվածության կոչ է արել ՌԴ նախագահ Վլադիմիր Պուտինի՝ ռուսական միջուկային ուժերը բարձր պատրաստության վիճակի բերելու հրամանից հետո, գրում է Եվրոպեյսկայա պրավդան:
«Բոլոր կողմերը պետք է հանգստություն պահպանեն, զսպվածություն ցուցաբերեն և խուսափեն հետագա էսկալացիայից», – ասել է Չինաստանի ԱԳՆ խոսնակ Վան Վենբինը։
Չինաստանն աջակցում է ռազմական առճակատումը լիցքաթափելու և խաղաղ քաղաքական լուծման հասնելու բոլոր ջանքերին, ասել է Չինաստանի ներկայացուցիչը։
Լրագրողների հարցին ի պատասխան՝ ԱԳՆ պաշտոնյան նաև ընդգծել է, որ Չինաստանն ու Ռուսաստանը «ռազմավարական գործընկերներ» են, բայց ոչ «դաշնակիցներ»․ Չինաստանն ինքն է որոշում իր դիրքորոշումն ու քաղաքականությունը յուրաքանչյուր դեպքի հիման վրա:
Հիշեցնենք, որ փետրվարի 27-ին Պուտինը հրամայել է հատուկ պատրաստության ռեժիմ սահմանել զսպման ուժերի համար։
Պենտագոնը պատասխանել է՝ ասելով, որ ԱՄՆ-ն ի վիճակի է պաշտպանել իրեն, իր դաշնակիցներին և գործընկերներին։
Տաթև Ֆռանգյան
