10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ուկրաինայի պատվիրակությունը ժամանել է Ռուսաստանի հետ բանակցությունների վայր
Քաղաքականություն
28.02.2022 | 13:03
Ուկրաինայի պատվիրակությունը ժամանել է բելառուսա-ուկրաինական սահմանի տարածք՝ մասնակցելու Ռուսաստանի Դաշնության ներկայացուցիչների հետ բանակցություններին, գրում է Unian-ը։
Ուկրաինայի նախագահի աշխատակազմի մամուլի ծառայությունից հայտնում են, որ պատվիրակության կազմում են Ռադայի «Ժողովրդի ծառա» խմբակցության նախագահ Դավիթ Արախամիան, Ուկրաինայի պաշտպանության նախարար Ալեքսեյ Ռեզնիկովը, Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը և այլք։ Նշվում է, որ բանակցությունների առանցքային հարցը կրակի անհապաղ դադարեցումն է և Ուկրաինայի տարածքից զորքերի դուրսբերումը։
Ռուսական աղբյուրները ևս հաստատել են այս տեղեկությունը։ Մասնավորապես, ՌԻԱ Նովոստին նույնպես հայտնում է, որ Ուկրաինայի պատվիրակությունն ուղղաթիռներով ժամանել է Բելառուսի Գոմելի շրջան՝ Ռուսաստանի հետ բանակցությունների վայր։
Հիշեցնենք, որ այսօր կարող են տեղի ունենալ լայնամասշտաբ պատերազմի մեկնարկից հետո Ուկրաինայի և Ռուսաստանի միջև առաջին բանակցությունները։ Բանակցությունների վայրը գտնվում է Պրիպյատ գետի մոտ՝ ուկրաինա-բելառուսական սահմանին:
Տաթև Ֆռանգյան
