13.12.2024 | 22:26
Նախիջևանի առանձին համազորային բանակի հրամանատարն այցով Թուրքիայում է
ԱՄՆ-ն արձագանքել է Պուտինի՝ զսպման ուժերը մարտական հերթապահության հատուկ ռեժիմի բերելու փաստին
Քաղաքականություն
28.02.2022 | 12:57
Ամերիկացի պաշտոնյաները չեն կասկածում այն տեղեկություններին, որ ՌԴ նախագահ Վլադիմիր Պուտինը մարտական հերթապահության ռեժիմի է բերել Ռուսաստանի միջուկային զսպման ուժերը, այս մասին լրագրողների հետ ճեպազրույցում ասել է ԱՄՆ պաշտպանության նախարարության բարձրաստիճան պաշտոնյան, ընդգծելով՝ «ԱՄՆ-ն կարողանում է պաշտպանել իրեն, դաշնակիցներին ու գործընկերներին»։
Պաշտոնյայի խոսքով՝ դա Պուտինի կողմից անհարկի քայլ է, քանի որ ՆԱՏՕ-ն, ինչպես նաև Ուկրաինան Ռուսաստանին երբեք չեն սպառնացել։
«Մենք շարունակում ենք վստահ լինել մեզ, մեր դաշնակիցներին և գործընկերներին պաշտպանելու մեր կարողության մեջ, այդ թվում՝ ռազմավարական զսպման ոլորտում», – ասել է ՊՆ խոսնակը։
Նա հավելել է, որ ուկրաինացիները համառորեն դիմադրում են ռուսական զորքերի ներխուժմանը, նշելով, որ Ուկրաինայի տարածքում ոչ մի մեծ քաղաք դեռ չի գրավվել։ Միևնույն ժամանակ, ԱՄՆ-ն և ՆԱՏՕ-ն շարունակում են զենք և այլ օգնություն տրամադրել Ուկրաինային։
Իր հերթին Սպիտակ տան մամուլի քարտուղար Ջեն Փսաքին հայտարարել է, որ Կրեմլի ղեկավար Վլադիմիր Պուտինի՝ Ռուսաստանի միջուկային զսպման միջոցները մարտական հերթապահության ռեժիմի բերելու մասին որոշումը «գոյություն չունեցող սպառնալիքներ ստեղծելու» շարունակությունն է:
«Նա ստեղծում է գոյություն չունեցող սպառնալիքներ՝ հետագա ագրեսիան արդարացնելու համար», – ասել է Սպիտակ տան խոսնակը ABC հեռուստաընկերության եթերում։
