18.12.2025 | 23:24
ՀՀ տարածքում ավտոճանապարհները հիմնականում անցանելի են
Աթենքը հայտնել է ռուսական ավիահարվածների պատճառով Մարիուպոլի մերձակայքում 10 հույնի զոհվելու մասին
Քաղաքականություն
27.02.2022 | 12:46
Ռուսաստանի ռազմական ներխուժումն Ուկրաինա հանգեցրել է երրորդ երկրներում խաղաղ բնակիչների մահվան, գրում է DW-ի ռուսական ծառայությունը:
«10 անմեղ խաղաղ բնակիչներ՝ էթնիկ հույներ, զոհվել են այսօր Մարիուպոլի մերձակայքում ռուսական օդային հարվածների արդյունքում»,- Twitter-ի իր միկրոբլոգում գրել է Հունաստանի վարչապետ Կիրիակոս Միցոտակիսը։
«Դադարեցրե՛ք ռմբակոծումը անմիջապես», ավելացրել է նա։ Reuters-ի փոխանցմամբ՝ միջադեպը տեղի է ունեցել Դոնեցկի շրջանի Բուգաս եւ Սարտանա գյուղերի մոտ։ Հունաստանի կառավարության ղեկավարը ցավակցություն է հայտնել զոհվածների ընտանիքներին։ Միցոտակիսը ողբերգությունն անվանել է «Ռուսաստանի կողմից հարձակման անընդունելի գործողություն» խաղաղ բնակչության վրա։
Նա հայտնել է, որ Մարիուպոլում Հունաստանի հյուպատոսությունը բաց է մնում օգնության համար: Հունաստանի ԱԳՆ-ն նաև կտրուկ բողոքի նոտա է հղել Աթենքում ՌԴ դեսպանին և փետրվարի 28-ին նրան հրավիրել նախարարություն։
