Քաղաքականություն
27.02.2022 | 12:31
Փողոցային մարտեր են սկսվել Խարկովի կենտրոնում այն բանից հետո, ինչ ռուսական զորքերը մտել են Ուկրաինայի մեծությամբ երկրորդ քաղաք։ Այս մասին այսօր հայտարարել է Խարկովի մարզային պետական վարչակազմի ղեկավարը, փոխանցում է BBC-ն։
Սինեգուբովը հորդորել է քաղաքի բնակիչներին մնալ ապաստարաններում և ոչ մի տեղ չճանապարհորդել։
«Ռուսական ռազմական մեքենաները շարժվել են դեպի Խարկով քաղաք, նաև քաղաքի կենտրոնական հատվածը։
Զգուշացում, մի’ լքեք ձեր ապաստարանները:
Ուկրաինայի զինված ուժերը վերացնում են թշնամուն, խաղաղ բնակիչներին խնդրում ենք դուրս չգալ փողոցներ»,-ասել է քաղաքի ղեկավարը:
Նշվում է, որ 1,4 միլիոն բնակչություն ունեցող Խարկովը գտնվում է Ռուսաստանի սահմանից 32կմ հարավ ընկած հատվածում և նրան մոտեցել են ռուսական ուժերը հինգշաբթի օրը ներխուժումը սկսելուց անմիջապես հետո:
Ուկրաինական ուժերը կարողացել են հետ պահել ռուսական զորքերին քաղաք մտնելուց վերջին երեք օրվա ընթացքում, սակայն այժմ մարտերը տեղի են ունենում քաղաքի սրտում:
