15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Ի՞նչ կմտածեին Վիսոցկին, Նիկուլինը, Ժվանեցկին, Վիցինը, Միրոնովը․ Սեմյոն Սլեպակովը կոչով դիմել է Պուտինին. ՏԵՍԱՆՅՈւԹ
Քաղաքականություն
27.02.2022 | 11:43
Ռուս հայտնի բանաստեղծ, սցենարիստ, պրոդյուսեր, կոմիկ, երաժիշտ, երգերի հեղինակ և կատարող Սեմյոն Սլեպակովը կոչով դիմել Է Վլադիմի Պուտինին։ Նա իր ուղերձում զուգահեռներ է անցկացրել ԽՍՀՄ ժամանակների հետ և հարցրել ՌԴ նախագահին, թե վերջինիս կարծիքով՝ ինչ կմտածեին այն բոլոր խորհրդային գործիչները՝ դերասանները, երգիչները, բանաստեղծները, եթե տեսնեին այն ամենը, ինչ կատարվում է Ուկրաինայում այս պահին։
«Ի՞նչ կմտածեին այդ՝ մեր կողմից սիրված գործիչները, եթե հիմա լինեին մեր կողքին։
Ի՞նչ կմտածեր Միխայիլ Ժվանեցկի, ով ծնվել և մեծացել է Օդեսայում, ում հետ դուք ընկերություն եք արել, ում գործերն այդքան սիրել եք։
Ի՞նչ կմտածեր Վլադիմիր Վիսոցկին, ում դուք այդքան սիրել ու լսել եք ու կարող եք մեջբերել։
Նրա ռազմական երգերը մեր հայրենասիրական մշակույթի մի մասն են կազմում։ Եթե Վիսոցկին այժմ երգ գրեր Ուկրաինայի մասին, նրա երգերը, դժվար թե, առաջվանը լինեին։
Նման բան կարո՞ղ էին պատկերացնել Յուրի Նիկուլինը, Եվգենի Լեոնովը, Գեորգի Վիցինը, Անդրեյ Միրոնովը, Էլդար Ռյազանովը և մյուսները։
․․․․Ես գիտեմ, որ դուք կարող եք փոխել իրավիճակը։ Խնդրում եմ՝ թույլ մի տվեք, որ բոլորս ընկնենք այն անդունդը, որ մասին երգում է Վլադիմիր Սեմյոնովիչ Վիսոցկին»,-մասնավորապես նշել է Սլեպակովը։
