20.04.2024 | 14:08
ԱՄՆ Ներկայացուցիչների պալատը պատրաստվում է հաստատել Ուկրաինային շուրջ 61 մլրդ դոլարի ռազմական օգնության փաթեթը․ BBC
Եվրոպայի խորհրդում ՌԴ իրավունքները ժամանակավորապես կասեցվել են
Քաղաքականություն
25.02.2022 | 20:10
Եվրախորհրդի կանոնադրության համաձայն՝ Նախարարների կոմիտեն այսօր որոշում է կայացրել կասեցնել Նախարարների կոմիտեում և Խորհրդարանական վեհաժողովում Ռուսաստանի Դաշնության ներկայացված լինելու իրավունքը՝ Ուկրաինայի դեմ ռուսական զինված հարձակման պատճառով։ Որոշումն ուժի մեջ է մտնում անմիջապես, տեղեկանում ենք Եվրախորհրդի կայքում հրապարակված հաղորդագրությունից։
Նշվում է, որ այս որոշումը նշանակում է, որ Ռուսաստանի Դաշնությունը մնում է Եվրոպայի խորհրդի անդամ և ԵԽ համապատասխան կոնվենցիաների, այդ թվում՝ Մարդու իրավունքների եվրոպական կոնվենցիայի մասնակից։
«Ռուսաստանի Դաշնության համար մարդու իրավունքների եվրոպական դատարանում ընտրված դատավորը նույնպես մնում է դատարանի անդամ, և Ռուսաստանի Դաշնության դեմ ներկայացված բողոքները նախկինի պես կքննվեն և կորոշվեն դատարանի կողմից: Կասեցումը ոչ թե վերջնական միջոց է, այլ ժամանակավոր, որը բաց է թողնում կապի ուղիները»,- ասվում է հաղորդագրությունում։
