09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինի և Լավրովի բանկային հաշիվները կսառեցվեն․ ԵՄ նոր պատժամիջոցները
Քաղաքականություն
25.02.2022 | 19:13
Եվրամիության երկրները պայմանավորվել են սահմանափակումներ մտցնել Ռուսաստանի նախագահ Վլադիմիր Պուտինի և ԱԳ նախարար Սերգեյ Լավրովի նկատմամբ՝ որպես հակառուսական պատժամիջոցների նոր փաթեթի մաս։ Այս մասին հայտարարել է Ավստրիայի արտգործնախարար Ալեքսանդր Շալենբերգը, փոխանցում է ՌԻԱ Նովոստին։
Նրա խոսքով՝ Բրյուսելը կսառեցնի նրանց բանկային հաշիվները։
«Սակայն նրանց համար մուտքի արգելք չի լինի, քանի որ մենք ցանկանում ենք պահպանել բանակցությունների հնարավորությունը՝ դադարեցնելու բռնությունը Ուկրաինայում»,- ասել է Շալենբերգը ԵՄ ԱԳ նախարարների խորհրդի նիստից առաջ։
Հիշեցնենք՝ փետրվարի 24-ին ՌԴ նախագահ Վլադիմիր Պուտինը հայտարարեց Դոնբասում հատուկ ռազմական գործողություն սկսելու մասին։ Դրան հետևեցին նոր՝ խիստ պատժամիջոցների մասին Արևմուտքի հայտարարությունները։
