10.10.2026 | 10:44
«Կտրվի Ամուլսարի հանքավայրի շահագործման մեկնարկը»․ Փաշինյան
Կիևում դեռ ռազմական ինֆրաստրուկտուրային են խփում. Ուկրաինայի հայերի միության փոխնախագահ․ ՏԵՍԱՆՅՈՒԹ
Քաղաքականություն
25.02.2022 | 18:07
«Այսօր Կիևում, երեկվա համեմատությամբ, իրավիճակն ավելի հանգիստ է»,- Factor TV-ի հետ զրույցում տեղեկացրեց Ուկրաինայի հայերի միության փոխնախագահ Դավիթ Մկրտչյանը։
«Բենզալցակայանները փակ են, ծայրամասերում առավոտյան հերթեր էին, խանութները բաց են, դեղատներն աշխատում են, բանկոմատներում գումար չկա, երեկ էլ հերթեր էին»,- պատմեց Դավիթ Մկրտչյանը։
Նա տեղեկացրեց, որ որոշ քաղաքներում, որտեղ ակտիվ ռազմական բախումներ են, դադարել է ջրամատակարարումն ու էլեկտրաէներգիայի մատակարարումը։
«Հենց հիմա՝ մեր զրույցի ընթացքում պայթյունի, կրակոցի ձայներ են լսվում, չգիտենք՝ ինչ տեխնիկա է աշխատում։ Բնակելի շենքերին դեռ չեն խփում, բայց գիշերը, երբ ՀՕՊ-ն է աշխատել, խփել է ռուսական հրթիռին, այն ընկել է ինը հարկանի շենքի տանիքին»,- նշեց Ուկրաինայի հայերի միության փոխնախագահը։
Ըստ նրա՝ Կիևում դեռ միայն ռազմական ենթակառուցվածքներին են հարվածում։
Մանրամասները՝ տեսանյութում։
Արփի Հակոբյան
