19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հայաստանը ստիպված կլինի ընտրություն կատարել․ չի կարողանա չեզոքություն պահել․ քաղաքագետ․ ՏԵՍԱՆՅՈՒԹ
Քաղաքականություն
25.02.2022 | 16:40
«Ռուս-ուկրաինական ճգնաժամի պայմաններում Հայաստանը պետք է ուշադիր լինի և աշխարհաքաղաքական իրադարձությունների արանքներում կարողանա տեղավորել մեր շահերը. դրա համար պետք է դիվանագիտական ճկունություն»,- այս մասին այսօր «Ադրբեջան-Ռուսաստան դաշնակցային գործակցությունը ռուս-ուկրաինական դիմակայության խորապատկերին» թեմայով քննարկման ժամանակ նշեց քաղաքագետ Ռոբերտ Ղևոնդյանը:
Նրա դիտարկմամբ՝ այս պահին Հայաստանը դեռևս կարողանում է պահպանել քաղաքական չեզոքությունը, քանի որ կողմերից մեկը մյուսի նկատմամբ ջախջախիչ առավելություն չունի:
«Բայց եթե Ռուսաստանը կարողանա կլանել Ուկրաինան՝ այսինքն՝ բերել իր ազդեցության գոտի և իշխանափոխություն կատարել, ապա Հայաստանն այլևս չի կարողանա չեզոքություն պահպանել, առավել ևս, որ այդ դեպքում ՀՀ պետականության կորստի վտանգը շատ մեծ կլինի: Կարելի է ասել, որ պուտինյան կայսերական ցնորամտությունը կհասնի այնպիսի կետի, որտեղ ՌԴ ներկա իշխանությունը կփորձի ամբողջությամբ կլանել հետխորհրդային տարածությունը, որի «ամենայուղոտ կտորը» Ուկրաինան է»,- նշեց քաղաքագետը:
Մանրամասները՝ տեսանյութում:
