07.04.2026 | 12:47
Քվեարկության ծրարում այլ իր չի կարող լինել․ սա կանխարգելիչ ազդեցություն կունենա․ Ջուլհակյան․ ՏԵՍԱՆՅՈՒԹ
Հայաստանի ժողովրդականություն չվայելող նախագահը կատակում էր, երբ ասում էր՝ մեկ անձ չպետք է ձգտի իշխանության լինել երկու ժամկետից ավելի. միջազգային ԶԼՄ-ների անդրադարձը
Քաղաքականություն
20.04.2018 | 16:19
Հայաստանը միջազգային լրատվամիջոցների ուշադրության կենտրոնում է: Աշխարհի ամենահայտնի ԶԼՄ-ները շարունակում են անդրադառնալ Հայաստանում արդեն 8-րդ օրն անընդմեջ իրականացվող անհնազանդության ակցիաներին՝ ընդդեմ ՀՀ իշխանությունների ու Սերժ Սարգսյանի պաշտոնավարման 3-րդ շրջանի։
The Economist -ը իր՝ «Հայաստանի ժողովրդականություն չվայելող նախագահն իրեն վարչապետ է դարձրել» վերտառությամբ հոդվածում գրում է. «Հավատացած եմ, որ մեկ անձ չպետք է ձգտի իշխանության լինել երկու ժամկետից ավելի»՝ մեջբերելով 2014թ-ին ասված Սերժ Սարգսյանի խոսքերը, ապա հավելում. «Սակայն Հայաստանի ժողովրդավարություն չվայելող նախագահը, որի պաշտոնավարման երկրորդ շրջանն ավարտվեց 2018թ. ապրիլի 17-ին, փաստորեն կատակում էր: Ու երկրի խորհրդարանը նրան ընտրեց որպես ՀՀ նոր վարչապետ»: Հենց դա է դարձել պատճառ, որ հազարավոր ցուցարարներ դուրս են եկել փողոց՝ ընդդեմ Սերժ Սարգսյանի վարչապետության։
Reuters-ը նշում է, որ ՀՀ նորընտիր նախագահ Արմեն Սարգսյանը կոչ է արել երկխոսության՝ առկա իրավիճակում լավագույն լուծումը գտնելու համար: «Ես համոզված եմ, որ միակ լուծումը երկխոսությունն է և փոխադարձ հարգանքի առկայությունը», – ասել է Սարգսյանը:
Associated Press-ը հաղորդում է, որ Հայաստանում արդեն մեկ շաբաթ ընթացող ցույցերի առաջնորդն իր կողմնակիցներին կոչ է անում կաթվածահար անել երթևեկությունը: Հինգշաբթի երեկոյան բողոքի ցույցի առաջնորդ Նիկոլ Փաշինյանը հայտարարությամբ հանդես եկավ կենտրոնական հրապարակում, ուր հավաքվել էր ավելի քան 10 000 մարդ, որ երթևեկությունը կաթվածահար անելու գործողությունները կսկսվեն ուրբաթ առավոտյան:
Deutsche Welle -ը գրում է որ տասնյակ հայեր են ձերբակալվել, երբ փորձում էին կառավարական շենքեր մուտք գործել: Մեկ շաբաթ շարունակ մարդիկ փողոց են դուրս գալիս`բողոքելու նախկին նախագահ ու ներկա վարչապետ Սերժ Սարգսյանի պաշտոնավարման դեմ։ Պարբերականը նաև նշում է, որ հինգշաբթի օրը ապրիլի 19-ին ԵՄ պատվիրակությունը Հայաստանում կոչ է արել բոլոր կողմերին «զսպվածություն և պատասխանատվություն ցուցաբերել»։
РИА НОВОТТИ-ն գրում է, որ անհնազանդության ակցիայի առաջնորդ Նիկոլ Փաշինյանը, որը երթևեկությունը պարալիզացնելու կոչ է արել, նշել է, որ եթե ծրագիրը հաջողվի, ապա «թավշյա հեղափոխության» ավարտին հաշված օրեր են մնացել:
ИНТЕРФАКС -ը նշում է. «Ժամը 13: 30-ի դրությամբ (Մոսկվայի ժամանակով 12: 30-ի սահմաններում) հարյուր մարդ է տեղափոխվել ոստիկանություն», – տեղեկությունը գոչծակալությանը փոխանցել է ՀՀ ոստիկանության մամլո խոսնակ Էդգար Ջանոյանը:
Միջազգային լրաքաղը՝ Աննա Պողոսյանի
