10.10.2026 | 12:57
Նավթի գներն աճել են
Կիևը պատրաստ է քննարկել չեզոքության կարգավիճակը, սակայն անվտանգության երաշխիքներ են անհրաժեշտ․ Ուկրաինայի նախագահի գրասենյակ
Քաղաքականություն
25.02.2022 | 14:02
Ուկրաինան պատրաստ է Ռուսաստանի հետ բանակցել չեզոք կարգավիճակի շուրջ, բայց դրա համար Կիևը պետք է Մոսկվայից անվտանգության երաշխիքներ ստանա։ Այս մասին ասվում է Ուկրաինայի նախագահի գրասենյակի ղեկավարի խորհրդարական Միխայիլ Պոդոլյակի հայտարարության մեջ, գրում է BBC-ի ռուսական ծառայությունը։
«Ուկրաինան միշտ թողել ու թողնում է տեղ բանակցությունների համար, այդ թվում՝ հիմա, երբ Ռուսաստանը գնացել է լայնամասշտաբ ներխուժման։ Այս պատերազմը պետք է դադարեցվի: Այս ռազմական գործողությունները պետք է դադարեցվեն»,- ասել է նա։
Պոդոլյակի խոսքով՝ Կիևում լսել են, որ Մոսկվայում «ցանկանում են խոսել»։
«Եթե ուզում են խոսել չեզոք կարգավիճակի մասին, մենք նման քննարկման մտավախություն չունենք։ Հարցն այն է, թե ով և ինչպես կարող է երաշխավորել Ուկրաինայի անվտանգությունը և երաշխավորների կողմից պայմանավորվածությունների կատարումը»,- ասել է նա։
Պաշտոնյան նաև անդրադարձել է նախագահ Վլադիմիր Զելենսկիի ուղերձին, որում նա չէր տեսնում եվրոպական երկրների պատրաստակամությունը «կռվել իրենց հետ ու տեսնել Ուկրաինան ՆԱՏՕ-ում»։ Պոդոլյակն ասել է, որ «դա նշանակում է, որ նրանք վախենում են»։
Էմմա Չոբանյան
