15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Վարդան Բոստանջյանը ԱԺ արտահերթ ընտրությունը չի բացառում. ՏԵՍԱՆՅՈՒԹ
Քաղաքականություն
20.04.2018 | 14:27
Ազգային ժողովի «Ծառուկյան» խմբակցության պատգամավոր Վարդան Բոստանջյանը ՀՀ վարչապետ Սերժ Սարգսյանի օգտին իր քվեարկությունը բացատրում էր երկրի անվտանգությամբ: Factor.am-ի հարցին՝ հիմա Հայաստանում անկայուն վիճակ է, ի՞նչ եք մտածում երկրի անվտանգության մասին, պատասխանեց. «Ուզում եմ հույսով լինել, որ կայունությունը աստիճանաբար կգա իր տեղը»:
Իսկ թե ինչո՞վ է պայմանավորված անկայունությունը, ասաց. «Պարզ չի՞, բազմաթիվ չլուծված հարցերով և առաջին հերթին սոցիալական բնույթ կրող հարցերով: Մեր կառավարման համակարգը անարդյունավետ է, որով պայմանավորված բազմաթիվ խոցելի բաներ կլինեն»:
Հարցին՝ իշխանությունը վերահսկո՞ւմ է իրավիճակը, Բոստանջյանը պատասխանեց. «Ես կարծում եմ, ոչ միայն իշխանությունը, այլ իրենք իսկ՝ անհնազանդություն արտահայտողները, պրոցեսը վերահսկելի են պահում, երբեք դուրս չեն եկել օրինականության շրջանակներից»:
Արդյոք պե՞տք է, որ Սերժ Սարգսյանը երկխոսություն սկսի Նիկոլ Փաշինյանի հետ. «Այո, խելոք մոտեցումը ենթադրում ու պահանջում է երկխոսություն»:
Եվ վերջին հարցին՝ հնարավո՞ր է, որ բանն այնուամենայնիվ հասնի խորհրդարանական արտահերթ ընտրություններին, պատասխանեց. «Ոչ մի բան բացառված չէ»:
Մանրամասները՝ տեսանյութում:
Մհեր Արշակյան
