24.04.2025 | 23:48
Հարգում ենք 110 տարի առաջ սարսափելի ցեղասպանության ժամանակ սպանված 1.5 մլն հայերի հիշատակը. Փելոսի
Ռոսավիացիան արգելել է բրիտանական ինքնաթիռներին օգտվել ՌԴ-ի օդային տարածքից
Քաղաքականություն
25.02.2022 | 17:43
ՌԴ Օդային տրանսպորտի դաշնային գործակալությունը (Ռոսավիացիա) արգելել է բրիտանական ինքնաթիռներին օգտվել Ռուսաստանի օդային տարածքից, այդ թվում՝ տարանցիկ թռիչքների համար։ Այս մասին RBC-ին հայտնել են գերատեսչության մամուլի ծառայությունում։
Սահմանափակումն ուժի մեջ է մտել փետրվարի 25-ին՝ Մոսկվայի ժամանակով ժամը 11:00-ից։
«Սահմանափակում է մտցվել Ռուսաստանի Դաշնության օդային տարածքի օգտագործման համար՝ այն ինքնաթիռների թռիչքների պարագայում, որոնք պատկանում, վարձակալված կամ շահագործվում են Միացյալ Թագավորության հետ կապված կամ Մեծ Բրիտանիայում գրանցված անձի կողմից»,- ասվում է զեկույցում։
Օդային տրանսպորտի դաշնային գործակալությունը հայտնել է, որ նախօրեին իրենք Լոնդոն են ուղարկել առաջարկ՝ քննարկելու Մեծ Բրիտանիայի վրայով ռուսական ինքնաթիռների թռիչքների սահմանափակումը, սակայն այսօր առավոտյան բացասական պատասխան են ստացել։
Տաթև Ֆռանգյան
