10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Չեռնոբիլի ԱԷԿ-ում ճառագայթման մակարդակը բարձրացել է
Քաղաքականություն
25.02.2022 | 15:17
Չեռնոբիլի ատոմակայանի գոտում, որն անցել է ռուս զինվորականների հսկողության տակ, ռադիոակտիվ ճառագայթման մակարդակը բարձրացել է։ Այս մասին հայտնել է Ուկրաինայի միջուկային կարգավորման պետական տեսչությունը, գրում է DW-ի ռուսական ծառայությունը։
«Մեկուսացման գոտու ճառագայթային մոնիթորինգի ավտոմատացված համակարգի տվյալները, որոնք հասանելի են առցանց, վկայում են այն մասին, որ դիտակետերում գամմա ճառագայթման մակարդակը։ Այժմ անհնար է պարզել այդ տարածքում օկուպացիայի և ռազմական պայքարի պատճառով մեկուսացման գոտում ճառագայթային ֆոնի փոփոխության պատճառները»,- ասվում է հաղորդագրության մեջ։
Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Մարիանո Գրոսսին այս առիթով պաշտոնական հայտարարության մեջ հիշեցրել է, որ «խաղաղ նպատակներով նախատեսված միջուկային օբյեկտների վրա ցանկացած զինված հարձակում և դրանց դեմ ուղղված վտանգը հանդիսանում է ՄԱԳԱՏԷ-ի սկզբունքների և կանոնադրության, ՄԱԿ-ի կանոնադրության, միջազգային իրավունքի խախտում»:
Հիշեցնենք, որ փետրվարի 24-ին ռուս զինվորականները գրավել են Չեռնոբիլի ատոմային էլեկտրակայանը։
Տաթև Ֆռանգյան
