14.10.2026 | 23:24
Երևանի 2 վարչական շրջանում փոշու պարունակությունը գերազանցել է սահմանային շեմը
Տիգրան Պետրոսյանը 15-րդ տեղն է զբաղեցրել Շարժա Մասթերս միջազգային մրցաշարում
20.04.2018 | 13:15
Արաբական Միացյալ Էմիրություններում ավարտվել է «Շարժա Մասթերս» միջազգային մրցաշարը:
Մրցաշարում հիանալի ելույթ է ունեցել Իրանը ներկայացնող պատանի շախմատիստ Փարհամ Մաղսուդլուն, ով 9 հնարավորից վաստակելով 8 միավոր և, միանգամից 1 միավորով առաջ անցնելով մոտակա մրցակիցներից, գրավել է առաջին հորիզոնականը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
Նշենք, որ սա արդեն Մաղսուդլուի 5-րդ հաղթանակն է այս տարում: Հաղթարշավը Մաղսուդլուն սկսել էր Երևանում՝ դառնալով Անդրանիկ Մարգարյանի հուշամրցաշարի հաղթող, այնուհետև հռչակվել Իրանի չեմպիոն և դարձել Մումբայում և Ֆաջրում կայացած միջազգային մրցաշարերի հաղթող:
Մրցաշարը հաջող մեկնարկած Տիգրան Լ. Պետրոսյանը վերջում զիջել է իր դիրքերը և 6 միավորով գրավել է 15-րդ հորիզոնականը, իսկ Մանուէլ Պետրոսյանը 5.5 միավորով գրավել է 27-րդ հորիզոնականը:
