18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Ի՞նչ է կատարվում Լուգանսկի մարզում․ հայերի միության նախագահը տեսանյութ է տրամադրել․ ՏԵՍԱՆՅՈՒԹ
Քաղաքականություն
24.02.2022 | 17:34
«Ուկրաինայի Լիսիչանսկ քաղաքում եմ, այստեղ լարված իրավիճակ է, կրակոցների ու պայթյունի ձայներ են լսվում»,- Factor TV-ի հետ զրույցում տեղեկացրեց Ուկրաինայի Լուգանսկի մարզի հայերի միության նախագահ Սերժ Առուսխանյանը։
Նա հայտնեց, որ Լիսիչանսկում կա շուրջ 150 հայ, իսկ ընդհանուր Լուգանսկի մարզում՝ 600-700։
«Հայերի մեծ մասը դեռ քաղաքում է, բայց Դոնեցկի մարզում հայերն ավելի շատ են։ Որպես հայ համայնքի ղեկավար՝ տարհանման առաջարկություն արել եմ, կապի մեջ ենք ժողովրդի հետ, ինչով կարողանում ենք՝ աջակցում ենք։ Եթե նրանք ցանկություն են հայտնում քաղաքից հեռանալու, դուրս ենք բերում նրանց»,- մանրամասնեց Լուգանսկի մարզի հայերի միության նախագահը։
Նա վստահեցրեց, որ մարդկանց տարհանելու համար բավարար մեքենաներ ունեն։
Մանրամասները՝ տեսանյութում։
Արփի Հակոբյան
