ՌԴ-ն պատերազմով մահացու սխալ գործեց՝ սարսափելի հետևանքներ կլինեն․ Պուտինը պարտվելու է․ Խզմալյան․ ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Factor TV–ի հարցազրույցը Հայաստանի եվրոպական կուսակցության նախագահ Տիգրան Խզմալյանի հետ

-ՌԴ-ն վաղ առավոտից հարձակում է գործել Ուկրաինայի վրա, Պուտինը հայտարարել է, որ դա Ուկրաինայի ապառազմականացման գործողություն է։ Գերմանիայի կանցլերը հրատապ ասուլիսով է հանդես եկել՝ նշելով, որ Ռուսաստանը մեծագույն սխալ է գործում և խստագույն պատժամիջոցներ են կիրառելու ՌԴ-ի նկատմամբ: Նաև Մեծ յոթնյակի երկրների հավաք է հրավիրվելու։ Պարո՛ն Խզմալյան, արդյո՞ք սա այն պահն է, որ Հայաստանն իր աշխարհաքաղաքական ընտրությունը կատարի, թե՞ դա կարող է վտանգավոր լինել՝ հաշվի առնելով Ռուսաստանի ագրեսիան և անհանդուրժողականությունն իր շրջապատի երկրների ինքնիշխանության ձգտումների նկատմամբ:

-Դա հենց այն է, ինչ պետք է քննարկել հիմա, ընտրություն վաղուց էր պետք անել: վերջին անգամ մեզ այդ հնարավորությունը տրվեց 2018-ին, երբ ԱՄՆ անվտանգության հարցերով քարտուղարը Հայաստանին առաջարկել էր դառնալ արևմտյան դաշինքի անդամ: Այդ ժամանակ մենք մերժեցինք և ստացանք ռուս-ադրբեջանա-թուրքական հարձակում Հայաստանի վրա: Ընտրությունը, իմ կարծիքով, մեր քաղաքական դասի բանական մասն արել է վաղուց, բայց ե՞րբ բարձրաձայնել, դա է հարցը, և ի՞նչ պետք է անել: Մեզանից պահանջվում է ոսկերչական քաղաքականություն, և այն հիմա պետք է լինի երկսայր՝ միաժամանակ պետք է կարողանանք անել այն, ինչ պետք է անել Արցախի անվտանգությունն ապահովելու համար, դա ազգային գերխնդիր է, և մեր պետական անվտանգությունն ապահովելու համար։ Դրանք իրարամերժ չեն, բայց տարբեր ուղղություններով պետք է աշխատենք Ստեփանակերտում և Երևանում, մեզ անհրաժեշտ է ներքին համերաշխություն և բարձրագույն պատասխանատվությամբ գործելաոճ: Թեև ամենակարևորն ասված է. պաշտոնական Երևանը հայտարարեց, որ Դոնբասի, այսպես կոչված, հանրապետությունների ճանաչումը ՀՀ օրակարգում չկա, դա ամենալավ լուրն է այս վերջին տագնապալից լուրերի մեջ։ Օրեր առաջ Ռուսաստանի և Ադրբեջանի միջև կնքվեց ռազմաքաղաքական դաշինք, Երևանը պարտավոր է դեռևս պահպանել հեռավորություն, որպեսզի կարողանանք պահպանել մեր ազգաբնակչության գոյությունն Արցախում։

-Դուք տեսնո՞ւմ եք վտանգ, որ ՌԴ-ի կողմից ճնշում կլինի ՀՀ-ի վրա՝ որևէ ձևաչափով ներգրավվելու այս արկածախնդրության՝ Ուկրաինայի դեմ պատերազմի մեջ, գուցե՝ ՀԱՊԿ խողովակով կամ մարդասիրության անվան տակ:

-Անշուշտ, այդ վտանգը կա: Հորդորում ենք ոչ մի դեպքում չմիջամտել և չներգրավվել գործողություններում, որոնք կօգտագործվեն Ուկրաինայի դեմ: Պետք է հասկանանք ամենակարևորը՝ Ռուսաստանը մեկուսացած է աշխարհից, ՌԴ նախագահը քաղաքակիրթ աշխարհի տեսակետից դիտվում է որպես բռնակալ, որպես մոլագար, և նրա հիտլերացումը ժամ առ ժամ իրականանում է։ Դա նշանակում է, որ հակադարձ քայլերը և հարվածները կլինեն սարսափելի Ռուսաստանի համար: Պատկերավոր ասած՝ «Տիտանիկը» բախվել է սառցաբեկորին և խորտակվելու է:

Հարցազրույցն ամբողջությամբ՝ տեսանյութում:

Ռոբերտ Անանյան