18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Ուկրաինայում սկսված պատերազմի հետևանքով սպառնալիքներ են առաջանում Սյունիքի համար․ Դանիել Իոաննիսյան․ ՏԵՍԱՆՅՈՒԹ
Քաղաքականություն
24.02.2022 | 16:35
Ուկրաինայի շուրջ զարգացումները Հայաստանի համար երեք խմբի ռիսկեր են առաջացնում՝ տնտեսական, սուվերենության նկատմամբ սպառնալիքներ և ֆիզիկական անվտանգության հետ կապված ռիսկեր։ «Ժողովրդավարության և անվտանգության հարցերի հայկական կենտրոնի» կազմակերպած «Ուկրաինական ճգնաժամ․ ինչպե՞ս պետք է դիրքավորվի Հայաստանը» քննարկմանն անդրադառնալով Ռուսաստանի կողմից Ուկրիանայի վրա հարձակմանը՝ ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։
Խոսելով Հայաստանի համար տնտեսական հետևանքների մասին՝ նա մատնանշեց․ ռուբլին արժեզրկվել է, դրա արդյունքում տուժելու է հայկական արտահանումը։
Անդրադառնալով անվտանգային խնդիրներին՝ Իոաննիսյանը նշեց, որ այսօր աշխարհն այլ է։
«Չինաստանն արդեն որոշել է Թայվանի նկատմամբ ագրեսիվացնել իր գործողությունները։ Ուժի դոմինանտությունը, ուժի էֆեկտը մոլորակում մեծանում է, ինչից տուժում են այն երկրները, որոնք իրենց թշնամիների նկատմամբ ավելի թույլ են։ Երևի ես գաղտնիք չեմ բացահայտի, եթե ասեմ, որ Հայաստանն այդպիսի պետություն է։ Հայաստանն Ադրբեջանի և Թուրքիայի համեմատ ֆիզիկապես թույլ է։ Այս նոր աշխարհակարգից, որը սկսեց այսօր առավոտյան ժամը 5-ին, Հայաստանի Հանրապետությունը տուժում է»,- ասաց նա։
Դանիել Իոսաննիսյանի խոսքով՝ սպառնալիքներ են առաջանում Սյունիքի համար․ «Այս ֆոնին նաև խիստ մտահոգիչ է Ադրբեջանի պաշտպանական գերատեսչության տարածած ապատեղեկատվությունը, թե հայկական զինված ուժերը խախտել են հրադադարը»։
Նա նկատեց, որ դա հող է նախապատրաստում ինչ-որ գործողությունների համար, իսկ մեր «ոխերիմ դաշնակիցը» Ադրբեջանի ոտձգությունների պարագայում շատ լավ արդարացում է ունենալու մեզ չաջակցելու համար՝ ասելով, որ հիմա զբաղված է Ուկրաինայի դեմ պատերազմով։
Մանրամասները տեսանյութում։
