18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ուկրաինայի պատերազմը փոխում է Եվրոպայի անվտանգությունը, չկա արդարացում այնտեղ կատարվողին. Կալյուրանդ․ ՏԵՍԱՆՅՈՒԹ
Քաղաքականություն
24.02.2022 | 16:32
Եվրախորհրդարանի պատգամավոր, ԵՄ-Հայաստան խորհրդարանական գործընկերության կոմիտեի համանախագահող Մարինա Կալյուրանդն այսօր ՀՀ ԱԺ-ում լրագրողների հետ ճեպազրույցում անդրադառնալով Ուկրաինայի դեմ Ռուսաստանի ռազմական գործողություններին՝ դատապարտեց դրանք։
«Կիևը և այլ քաղաքներ ռմբակոծվում են այս պահին։ Չկա ոչ մի արդարացում նրան, ինչ կատարվում է։ Միջազգային նորմերի, ՄԱԿ-ի խարտիայի, Հելսինկիի համաձայնագրերի խախտումների համար ոչ մի արդարացում չկա»,-նշեց նա։
«Արդարացում չկա նաև այլ երկրի գործերին չմիջամտելու, ուժով սահմանները չփոփոխելու սկզբունքների խախտման համար։ Սպառնալիքի համար չկա արդարացում։
Սա միայն Ուկրաինային չի վերաբերում, այլ նաև փոխում է Եվրոպայի անվտանգային իրավիճակը, համաշխարհային անվտանգային իրավիճակը։
Ես հպարտ եմ լինել ԵՄ անդամ և պատկանել ՆԱՏՕ-ին՝ կառույցներ, որոնք դատապարտում են ագրեսիան։ Մենք պետք է արձագանքենք դրան։
Ձեր երկիրը ևս վերջերս պատերազմական վիճակում էր, և ձեր ժողովուրդը շատ լավ հասկանում է, որ պատերազմը երբեք չի կարող լինել լուծում։
Դիմում եմ Արևելյան գործընկերության բոլոր երկրներին, ՀՀ-ին, որպեսզի կանգնեն Ուկրաինայի կողքին և ասեն, որ պատերազմը լուծում չէ։
Ես սա կրկնել եմ նաև այն ժամանակ, երբ ՀՀ-ն էր պատերազմում։ Ասել եմ նաև Բրյուսելում, և ասում եմ նաև ադրբեջանցիներին»։
Մանրամասներ՝ տեսանյութում:
