24.03.2026 | 17:34
Իրանը ստիպում է հայ վարորդներին դատարկ բաքով մտնել և դիզվառելիքը լիցքավորել այնտեղ․ Արմեն Խաչատրյան․ ՏԵՍԱՆՅՈՒԹ
Ուկրաինայի Հայոց թեմի առաջնորդ Տեր Մարկոս եպիսկոպոս Հովհաննիսյանը ուղերձ է հղել
Հասարակություն
24.02.2022 | 16:16
Ուկրաինայի Հայոց թեմի առաջնորդ Տեր Մարկոս եպիսկոպոս Հովհաննիսյանը ուղերձ է հղել ուկրաինաբնակ հայորդիներին:
«Այսօր բավականին դժվար և տագնապալի պահեր ենք ապրում, ուզում եմ դիմել ձեզ, այս իրավիճակի մեջ լինել առավել հավատքով, լինել աղոթքի մեջ և առավել համախմբված, հետևել իշխանությունների հրահանգներին:
Մենք՝ եկեղեցական գործիչներս, Ուկրաինայի հայերի միությունը, Ուկրաինայում ՀՀ դեսպանությունը միշտ և այս պահին առավել ևս լծված ենք մեր հայրենակիցներին աջակցություն և օգնություն ցուցաբերելու գործին:
Խնդրանքս է, որ այսօր, երբ մեր ամբողջ Եկեղեցին սրբոց Վարդանանց բարեխոսական աղոթքն է խնդրում և նշում նրանց հիշատակի օրը, մենք էլ լինենք նրանց պես հավատքի մեջ անսասան, աղոթքով միահյուսված և ողողված:
Խաղաղության Աստված թող մեզ առաջնորդի դեպի բարի և լուսավոր օրեր: Ամեն»:
