21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Վիեննայում այսօր նախատեսված է հայ-թուրքական հերթական հանդիպումը
Քաղաքականություն
24.02.2022 | 15:26
Այսօր՝ փետրվարի 24-ին, Վիեննայում նախատեսված է Հայաստան-Թուրքիա կարգավորման գործընթացի շրջանակներում երկու երկրների հատուկ ներկայացուցիչների՝ Ռուբեն Ռուբինյանի և Սերդար Քըլըչի երկրորդ հանդիպումը։ Այս մասին տեղեկացրել էր ՀՀ ԱԳ նախարարի մամուլի խոսնակ Վահան Հունանյանը։ ՀՀ ԱԳ նախարար Արարատ Միրզոյանն էլ կառավարության անդամների հետ հարցուպատասխանի ժամանակ ասել էր, որ այդ հանդիպումից հետո է պարզ դառնալու՝ Հայաստանի պատվիրակությունը մարտին կմեկնի՞ Անթալիա՝ մասնակցելու դիվանագիտական համաժողովին, թե ոչ։
Հիշեցնենք՝ հայկական կողմը ներկայացնող Ռուբեն Ռուբինյանի և թուրքական կողմի բանագնաց Սերդար Քըլըչի առաջին հանդիպումը տեղի ունեցավ հունվարի 14-ին Մոսկվայում։ Այդ հանդիպումը կողմերը դրական գնահատեցին, բայց շոշափելի պայմանավորվածություններ դեռևս չկան։ Կարգավորման գործընթացի թերևս ամենաառարկայական արդյունքն այն է, որ փետրվարի 2-ից վերականգնվեցին Երևան-Ստամբուլ-Երևան չարտերային չվերթները։
Արփի Հակոբյան
