09.02.2026 | 16:30
ԱՄՆ փոխնախագահի այցով պայմանավորված մետրոյի «Մարշալ Բաղրամյան» կայարանում փետրվարի 9-ին գնացքները մի քանի ժամ կանգառ չեն կատարի
Բորիս Ջոնսոնը ՆԱՏՕ-ի երկրների արտակարգ հանդիպում է հրավիրում
Քաղաքականություն
24.02.2022 | 15:06
Մեծ Բրիտանիայի վարչապետ Բորիս Ջոնսոնը հայտարարել է, որ Ռուսաստանի հետագա ներխուժումն Ուկրաինա աղետ է ողջ եվրոպական մայրցամաքի համար և ՆԱՏՕ-ի անդամ երկրների շտապ հանդիպման կոչ է արել։ Այս մասին նա գրել է Twitter-ի իր միկրոբլոգում։
«Սա աղետ է մեր մայրցամաքի համար: Այսօր ես կդիմեմ ժողովրդին Ուկրաինա ռուսական ներխուժման հետ կապված: Ես կխոսեմ նաև G7-ի մյուս առաջնորդների հետ և կոչ կանեմ ՆԱՏՕ-ի բոլոր առաջնորդների շուտափույթ հանդիպում հրավիրել»,- գրել է Ջոնսոնը:
Հիշեցնենք՝ այսօր վաղ առավոտյան ՌԴ նախագահ Վլադիմիր Պուտինը հայտարարել է Դոնբասում հատուկ գործողության մեկնարկի մասին։ Դրանից անմիջապես հետո պայթյուններ են տեղի ունեցել Ուկրաինայի տարբեր քաղաքներում։
ՆԱՏՕ-ի գլխավոր քարտուղար Յենս Ստոլտենբերգը ռուսական ներխուժումն անվանել է «անխոհեմ հարձակում»։
Տաթև Ֆռանգյան
