29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Ուկրաինայի հարցում մեր ամենաճիշտ դիրքավորումը պետք է լինի չեզոքությունը․ Սոսի Թաթիկյան․ ՏԵՍԱՆՅՈՒԹ
Քաղաքականություն
24.02.2022 | 13:18
Ուկրաինայի շուրջ իրավիճակը շատ մտահոգիչ է, և ՀՀ-ի այս պահի չեզոք դիրքորոշումը միակ ողջամիտ որոշումն է, որն այս իրավիճակում հնարավոր էր։ «Ժողովրդավարության և անվտանգության հարցերի հայկական կենտրոնի» կազմակերպած «Ուկրաինական ճգնաժամ․ ինչպե՞ս պետք է դիրքավորվի Հայաստանը» քննարկմանն անդրադառալով Ռուսաստանի կողմից այսօր Ուկրիանայի վրա հարձակման փաստին՝ ասաց միջազգային հարաբերությունների ու անվտանգության փորձագետ Սոսի Թաթիկյանը։
«Շատ կարևոր է, որ Հայաստանը կարողանա առաջնորդվել սառը դատողությամբ, առանց էմոցիաներով և հնարավորինս մինիմալիզացնի ռիսկերը, քանի որ, այսպես թե այնպես, տուժելու են բոլոր ներգրավված պետություններն ու կազմակերպություները»,- նկատեց նա։
Նրա խոսքով՝ ակնհայտ է, որ հիմա տեղի է ունենում աշխարհաքաղաքական շահերի և արժեհամակարգերի մեծ բախում, և գոյություն ունեն երկակի ստանդարներ տարբեր ուժային կենտրոնների միջև նույնանման հարցերի վերաբերյալ։ Հետևաբար, ըստ նրա, պետք է ճիշտ բալանսավորել աշխարհաքաղաքական շահերը և արժեհամակարգերի հետ կապված միջազգային մոտեցումները։
«Քանի որ իրավիճակը բարդ է, որքան քիչ Հայաստանն արտահայտվի, իր դիրքորոշումը հայտնի, այնքան ճիշտ կլինի։ Մեր ամենաճիշտ դիրքավորումը պետք է լինի չեզոքությունը։ Եթե նժարը խախտվի որևէ ուղղությամբ, մեր կրած վնասները կարող են կրկնապատկվել»,- հայտարարեց նա։
Մանրամասները՝ տեսանյութում։
