19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ուկրաինայում այս պահին ընթացող պատերազմը 44-օրյայի շարունակությունն է. Տիգրան Խզմալյան․ ՏԵՍԱՆՅՈՒԹ
Քաղաքականություն
24.02.2022 | 12:32
«Հարձակվելով Ուկրաինայի վրա՝ ՌԴ-ն հակադրվեց ողջ քաղաքակիրթ աշխարհին։ Անհիմն, առանց որևէ լուրջ բացատրության. սա այն է, ինչը մենք ապրեցինք 2020թ․-ին։ Դոնբասի վրա հարձակումը, ինչպես և Ղրիմի վրա հարձակումը նույն տրամաբանության մեջ էր»,- ՀՀ-ում ՌԴ դեսպանատան դեմ կազմակերպված բողոքի ցույցի ժամանակ այսօր լրագրողների հետ ճեպազրույցում հայտարարեց «Հայաստանի եվրոպական կուսակցության» նախագահ Տիգրան Խզմալյանը։
«Սրանով Ռուսաստանը կրկնում է գերմանական ֆաշիզմի գործողությունները։ Մեզ պետք է հասկանալ, որ ՌԴ դաշնակիցն այս պահին Ադրբեջանն է։ Երկու օր առաջ հենց Ադրբեջանի հետ կնքվեց դաշնակցային պայմանագիր: դաշնակցային պայմանագիր, ուստի մնալով ՀԱՊԿ-ում և ԵՏՄ-ում՝ ՀՀ-ն կատարում է լուրջ սխալ։ Չի կարելի մնալ մի դաշինքում, որը քաղաքակրթության և հայության դեմ է, Ուկրաինայի դեմ է։ Մենք խաղաղության, եվրոպական արժեքների կողքին պետք է լինենք»,- նշեց Տիգրան Խզմալյանը։
Նրա խոսքով՝ մարդիկ, ովքեր չեն հասկանում, թե ինչ է հիմա սպառնում ՀՀ-ին, կրկնում են ստերը, թե Ուկրաինան էր զինում Ադրբեջանին, այդպիսիք կամ միամիտ են, կամ չարամիտ։
«Պատերազմի օրերին Զելենսկիի պաշտոնական հայտարարության համաձայն՝ Ուկրաինան ընդհատել է զենքի վաճառքն Ադրբեջանին, ուստի սադրիչ հայտարարությունների հետևում ՌԴ հատուկ ծառայություններն են կանգնած։
Ուկրաինայում կատարվողն 2020-ին Արցախում կատարվածի շարունակությունն է։ Պաշտպանելով Ուկրաինան՝ մենք պաշտպանում ենք Արցախը»,- ընդգծեց Խզմալյանը:
Մանրամասները՝ տեսանյութում:
