12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պատերազմ Ուկրաինայի դեմ․ մինչև ո՞ւր կհասնի Ռուսաստանը․ ՈւՂԻՂ
Քաղաքականություն
24.02.2022 | 12:11
ՌԴ նախագահ Վլադիմիր Պուտինը լուսադեմին, ըստ էության, պատերազմ հայտարարեց Ուկրաինային․ նա հանդես եկավ հերթական ուղերձով, որի ժամանակ հայտարարեց, որ որոշել է հատուկ ռազմական գործողություն իրականացնել Դոնբասում։ Նա ուկրաինացի զինվորականներին կոչ արեց վայր դնել զենքերը։ Պուտինի ուղերձին հաջորդեց Ուկրաինայի նախագահ Վլադիմիր Զելենսկու հայտարարությունը՝ երկրում ռազմական դրություն մտցնելու մասին, հիմնավորելով, որ ռուսական բանակը հարվածներ է հասցրել իրենց ռազմական օբյեկտներին, ենթակառուցվածքներին: Ըստ ուկրաինական լրատվամիջոնցերի՝ այսօր վաղ առավոտից ուկրաինական քաղաքները ենթարկվում են հարձակման, իսկ ռուսական ցամաքային ուժերը Ուկրաինա են մտնում Ռուսաստանի և Բելառուսի տարբեր հատվածներից: Պայթյուններ են լսվում Կիևում, հաղորդվում է Կրամատորսկում առնվազն 4 պայթյունի, Օդեսայում, Խարկովում, Բերդյանսկում հզոր պայթյունի, Դոնբասում հզոր գնդակոծությունների մեկնարկի մասին։ Ինչպես հայտնում է Ուկրաինայի ԶՈՒ գլխավոր շտաբը՝ վաղ առավոտից ՌԴ զինված ուժերը սկսել են ինտենսիվ հրետակոծություններ, ինչպես նաև հրթիռային հարվածներ հասցրել ու ռմբահարել օդակայանները Բորիսպոլում, Օզերնոյեում, Կուլբակինոյում, Չուգուևում, Կրամատորսկում, Չերնոբաևկայում, Ուկրաինայի զինված ուժերի ռազմական օբյեկտները։
Factor TV-ն հետևում է Ուկրաինայի շուրջ իրադարձություններին և ուղիղ եթերում ներկայացնում ոչ միայն դրանք, այլև այդ իրադարձությունների շուրջ մասնագետների վերլուծություններն ու իրավիճակի հետագա զարգացման հնարավոր սցենարները։
