21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Ուկրաինայի ՆԳՆ-ն հայտնել է ռուսական ավիահարվածների հետևանքների մասին
Քաղաքականություն
24.02.2022 | 12:48
Ուկրաինայի ներքին գործերի նախարարի խորհրդական Անտոն Գերաշչենկոն հայտարարել է Ուկրաինայի վրա հրթիռային հարձակումների առաջին զոհերի մասին, գրում է Korrespondent-ը։
«Բրովարի, թիվ 161 զինվորական քաղաք։ Ավիահարվածի ժամանակ շենք է այրվել, 4 հարկանի շենքը մասամբ վնասվել է, զինվորականները տարհանում են մարդկանց, աշխատում են արտակարգ իրավիճակների պետական ծառայությունը և շտապօգնությունը։ Ըստ նախնական տեղեկությունների՝ մեկ զոհ և մեկ վիրավոր կա, ևս 5 մարդ տուժել է, կտրվի հավելյալ տեղեկատվություն»,- հայտնել է նա։
Բացի այդ, մեկ մարդ մահացել է Մարիուպոլում, իսկ վեցը՝ Օդեսայի մարզի Պոդոլսկում։
«Կոնոտոպսկի շրջանում ավտոմեքենան հայտնվել է կրակահերթի տակ, ինչի հետևանքով վիրավորվել է մի կին։ Ժամը 08.36-ին Օդեսայի մարզի Պոդոլսկ քաղաքում ռմբակոծության հետևանքով կա 6 զոհ, 7 վիրավոր, 19 անհետ կորած։ Ժամը 08.38-ին Դոնեցկի մարզի Մարիուպոլ քաղաքում գնդակոծության հետևանքով մեկ մարդ զոհվել է, երկուսը՝ վիրավորվել»,- հայտնել է Գերաշչենկոն։
Հիշեցնենք, որ փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարել էր Ուկրաինայի տարածքում ռազմական գործողություն սկսելու մասին։ Այս հայտարարությունից անմիջապես հետո տեղեկություններ են սկսվել Ուկրաինայի խոշոր քաղաքներում պայթյունների մասին։
Տաթև Ֆռանգյան
