10.10.2026 | 12:57
Նավթի գներն աճել են
Ուկրաինայի ԶՈՒ-ն անդրադարձնում է զավթիչ ուժերի օդային հարվածները․ Ուկրաինայի ԶՈւ գլխավոր շտաբ
Քաղաքականություն
24.02.2022 | 14:19
Ուկրաինայի զինված ուժերն անդրադարձնում են զավթիչ ուժերի օդային հարվածները։ Այս մասին հայտարարել են Ուկրաինայի ԶՈՒ գլխավոր շտաբից, փոխանցում է Unian-ը։
«Այսօր՝ փետրվարի 24-ին ժամը 5:00-ին, ՌԴ ԶՈՒ-ն սկսել է արևելքում մեր ստորաբաժանումների ինտենսիվ գնդակոծությունները, ինչպես նաև հրթիռային հարվածներ է հասցնում Բորիսոպոլի, Օզերնիի, Կուլբակինի, Չուգուևի, Կրամատորսկի, Չերնոբաևկի, ինչպես նաև Ուկրաինայի Զինված ուժերի այլ օբյեկտներին։ Միաժամանակ, ագրեսորը սկսել է հրետակոծել պետական սահմանի երկայնքով Ուկրաինայի տարածքն ու բնակավայրերը։ Ուկրաինայի ԶՈՒ ռազմաօդային ուժերը հետ են մղում զավթիչի օդային հարձակումը»,- ասվում է հաղորդագրության մեջ։
«Պետության պաշտպանական ուժերը գտնվում են լիարժեք մարտական պատրաստի վիճակում, գրավել և պահպանում են պաշտպանական դիրքերը։ Իրավիճակը վերահսկելի է»,- ասվում է հաղորդագրության մեջ։
Մինչ այդ, AiF-ի հաղորդմամբ՝ Ուկրաինայի մայրաքաղաք Կիևում պայթյունից տուժել են Վասիլկովսկա փողոցի 3 հասցեում գտնվող մի քանի շենքեր, այդ թվում՝ բնակելի շենքեր և առևտրային կետեր։
Ավելի վաղ հաղորդվել էր, որ պայթյուններ են լսվել Կիևի «Բորիսպոլ» օդանավակայանի մոտ։
Տաթև Ֆռանգյան
