07.11.2024 | 11:23
ՀՀ-ում առաջին անգամ կկիրառվեն «կանաչ կամուրջները». Գնել Սանոսյան․ ՏԵՍԱՆՅՈՒԹ
Պենտագոնը հետևում է Բելառուսի տարածքից Ուկրաինա զորքերի ներխուժմանը․ CNN
Քաղաքականություն
24.02.2022 | 11:03
ԱՄՆ պաշտպանության նախարարությունը հետևում է Բելառուսից Ուկրաինա զորքերի ներխուժմանը։ Այս մասին հինգշաբթի ասել է ԱՄՆ պաշտպանության նախարարության պաշտոնյան, գրում է CNN-ը։ Ըստ աղբյուրի՝ պարզ չէ՝ արդյոք զորքերը միայն ռուսական են եղել, թե նաև բելառուսական։ Ուղիղ հեռարձակման ընթացքում CNN-ն արձանագրել է, թե ինչպես է Բելառուսի հետ սահմանային անցակետից ռազմական մեքենաների շարասյունը մուտք գործում Ուկրաինա։ Տեսանյութը նկարահանվել է Ուկրաինայի Սենկիվկա բնակավայրում, Բելառուսի Վեսելովկայի հետ անցակետում:
Վերջին շաբաթների ընթացքում Ռուսաստանը զգալի թվով զորքեր, մեքենաներ և տանկեր էր կուտակել Բելառուսում՝ Ուկրաինայի հետ սահմանի մոտ: Երկու երկրները համատեղ զորավարժություններ էին անցկացնում Բելառուսի և Ուկրաինայի սահմանին մոտ։
Տաթև Ֆռանգյան
