22.04.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Պուտինը հայտարարել է Դոնբասում հատուկ ռազմական գործողություն իրականացնելու մասին. ՏԵՍԱՆՅՈւԹ
Քաղաքականություն
24.02.2022 | 09:05
ՌԴ նախագահ Վլադիմիր Պուտինը հանդես է եկել ռուս ժողովրդին ուղղված ուղերձով, որի ժամանակ հայտարարել է, որ որոշել է հատուկ ռազմական գործողություն իրականացնել Դոնբասում, փոխանցում է ՌԻԱ Նովոստին:
«Հանգամանքները պահանջում են մեզանից վճռական և անհապաղ քայլեր ձեռնարկել: Դոնբասի Ժողովրդական Հանրապետությունները դիմել են Ռուսաստանին օգնության խնդրանքով:
Դաշնային ժողովի կողմից վավերացված բարեկամության պայմանագրերի և Դոնեցկի ու Լուգանսկիի հետ փոխադարձ օգնության համաձայն՝ ես որոշել եմ հատուկ ռազմական գործողություն իրականացնել»,- ասել է Պուտինը ռուսներին ուղղված հեռուստաուղերձում։
Նա նշել է, որ Ռուսաստանը չի կարող իրեն ապահով զգալ, զարգանալ, գոյություն ունենալ Ուկրաինայից բխող մշտական սպառնալիքի պատճառով, և որ Ուկրաինայի անդամակցությունը ՆԱՏՕ-ին անընդունելի է:
Հավելենք, որ Պուտինի ուղերձին հաջորդեց Ուկրաինայի նախագահ Վլադիմիր Զելենսկու հայտարարությունը երկրում ռազմական դրություն մտցնելու մասին:
