09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԵՄ-ն ու ԱՄՆ-ն մնում են միասնական. Բորելը` ՌԴ դեմ պատժամիջոցների մասին
Քաղաքականություն
23.02.2022 | 23:37
ԵՄ դիվանագիտության ղեկավար Ժոզեֆ Բորելը ԱՄՆ պետքարտուղար Էնթոնի Բլինքենի հետ զրույցից հետո հայտարարել է Ռուսաստանի դեմ ավելի կոշտ պատժամիջոցներ կիրառելու պատրաստակամության մասին՝ «Ռուսաստանի Դաշնության կողմից Ուկրաինայի հետ կապված հետագա քայլերի դեպքում»։
«Պետքարտուղար Բլինքենի հետ քննարկել ենք Ռուսաստանի ագրեսիան և Ուկրաինայի դեմ անօրինական գործողությունները: Մենք պատրաստ ենք հետագա հնարավոր քայլերին պատասխանել հետագա կոշտ միջոցներով: ԵՄ-ն և ԱՄՆ-ը մնում են միասնական»,- գրել է Բորելը Twitter-ի իր էջում:
Հիշեցնենք, որ փետրվարի 21-ին ՌԴ նախագահ Վլադիմիր Պուտինը հրամանագիր է ստորագրել, որով ճանաչել է Լուգանսկի և Դոնեցկի ինքնահռչակ հանրապետությունների անկախությունը: Ի պատասխան` ԵՄ-ն ու ԱՄՆ-ն սկսել են պատժամիջոցներ կիրառել Ռուսաստանի դեմ: ԱՄՆ նախագահ Ջո Բայդենը հրամանագիր է ստորագրել Լուգանսկի և Դոնեցկի դեմ պատժամիջոցներ սահմանելու մասին՝ կապված Ռուսաստանի կողմից ինքնահռչակ հանրապետությունների ճանաչման հետ։
