29.03.2026 | 17:55
Քարաթափում՝ Լծեն-Տաթև և Երևան-Մեղրի ավտոճանապարհին
Վրաստանի խորհրդարանի նախագահը` Ռուսաստանի դեմ հնարավոր պատժամիջոցների մասին
Քաղաքականություն
23.02.2022 | 23:06
Վրաստանի խորհրդարանի նախագահ Շալվա Պապուաշվիլին անդրադառնալով Վրաստանի կողմից Ռուսաստանի դեմ հնարավոր պատժամիջոցներ կիրառելու մասին հարցին, ասել է՝ Վրաստանի կառավարությունը գործում է ելնելով վրաց ժողովրդի, ոչ թե «Ազգային շարժման» շահերից, գրում է Aliq media-ն:
«Մենք առաջնորդվում ենք մեր երկրի և ժողովրդի անվտանգության շահերով և ուկրաինացի ժողովրդի անվտանգության շահերով, այդ սկզբունքներից և նպատակներից ելնելով, անկասկած, կկանգնենք Ուկրաինայի կողքին», — ասել է Պապուաշվիլին՝ պատասխանելով նաև ընդդիմադիր «Միացյալ ազգային շարժման» կողմից հնչող մեղադրանքներին, թե իշխանությունները հապաղում են Ուկրաինայի հարցում որոշումներում։
Պապուաշվիլիի խոսքով, «Ազգային շարժումը» փորձում է սեփական օրակարգը բարձրացնել.
«Տարբեր երկրներ տարբեր միջոցներ են ձեռնարկում՝ կախված նրանից, թե ինչ լծակներ ունեն, Վրաստանի կառավարությունը նույնպես կգործի՝ իր շահերից ու նպատակներից ելնելով»:
«Վրացական երազանք» կուսակցության գլխավոր քարտուղար, քաղաքապետ Կախա Կալաձեի խոսքերով էլ Ռուսաստանի դեմ պատժամիջոցներ սահմանելու հարցով քննարկումներ լինելու են։
Նշենք, որ փետրվարի 21-ին ՌԴ նախագահ Վլադիմիր Պուտինը ճանաչել է Ոկրաինայից անջատված Լուգանսկի և Դոնեցկի ինքնահռչակ հանրապետությունները։
Այս որոշման պատճառով Ռուսաստանի դեմ պատժամիջոցներ են սահմանում ԵՄ երկրները և ԱՄՆ-ն։ Ռուսաստանի դեմ պատժամիջոցներին միացել են նաև Մեծ Բրիտանիան, Կանադան, Ճապոնիան, Ավստրալիան։
