29.07.2026 | 09:30
ՀՀ տարածքում ավտոճանապարհներն անցանելի են
ՀՀ-ում Իրանի դեսպանատունը պատասխանել է ադրբեջանցի պատգամավորներին
Քաղաքականություն
23.02.2022 | 22:28
ՀՀ-ում Իրանի դեսպանատունն իր թվիթերյան էջումթվիթերյան էջում պատասխանել է ադրբեջանցի պատգամավորներին։ Գրառման մեջ նշված է․
«Իրանական արվեստի սիմվոլ հանդիսացող Կապույտ մզկիթը շատ ակտիվ դերակատարում է ունեցել վերջին երեք տասնամյակների ընթացքում որպես աղոթքի վայր և հավաքատեղի Հայաստանում ապրող մահմեդականների համար: Այն ունեցել է նաո զբոսաշրջային գրավչություն: Շատ հաճելի է, որ դարավոր գրվածքները պահպանվել են: Կարո՞ղ եք դրանք կարդալ»:
Հիշեցնենք, որ «Եվրանեսթ» ԽՎ-ի նիստին մասնակցելու նպատակով Երևան ժամանած Ադրբեջանի Մեջլիսի պատգամավորներ Սոլթան Մամեդովն ու Թաիր Միրքիշիլին այցելել են Կապույտ մզկիթ` սոցիալական ցանցերում այն ներկայացնելով որպես ադրբեջանական։
«Մենք այցելել ենք Կապույտ մզկիթ։ Որքան գիտենք՝ սա միակ ադրբեջանական հուշարձանն է, որ պահպանվել է Երևանում։ Չնայած պատերի վրայի գրառումներն այլ երկրի են պատկանում, բայց պատերը, ճարտարապետությունն ու ոգին մերն են։ Մենք հուսով ենք, որ մի օր այս մզկիթի իրական տերերը կկարողանան իրենց աղոթքը բարձրացնել այստեղ։ Չէ՞ որ ադրբեջանցիների աղոթքները բարի են և, ի վերջո, կատարվում են»,- գրել է Միրքիշիլին։
