15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԵՄ-ն պատժամիջոցներ կկիրառի ՌԴ պաշտպանության նախարարի և այլ բարձրաստիճան պաշտոնյաների նկատմամբ
Քաղաքականություն
23.02.2022 | 18:22
Եվրամիությունը ծրագրում է պատժամիջոցներ կիրառել Ռուսաստանի պաշտպանության նախարար Սերգեյ Շոյգուի նկատմամբ։ Այս մասին գրում է Wall Street Journal-ը՝ վկայակոչելով միությանը մոտ կանգնած սեփական աղբյուրին։
Բացի այդ, ըստ հրապարակման, ԵՄ-ն նախատեսում է սահմանափակումներ մտցնել Ինտերնետ հետազոտությունների գործակալության և Եվգենի Պրիգոժինի, Ռուսաստանի նախագահի աշխատակազմի ղեկավար Անտոն Վայնոյի, ՎԷԲ-ի նախագահ Իգոր Շուվալովի, ինչպես նաև որոշ բարձրաստիճան զինվորականների նկատմամբ։
Եվրամիության անդամ երկրները միաձայն հաստատել են Ռուսաստանի դեմ պատժամիջոցները՝ կապված ինքնահռչակ Դոնեցկի և Լուգանսկի ժողովրդական հանրապետությունների անկախության ճանաչման հետ։ Պատժամիջոցների տակ են հայտնվել 27 ֆիզիկական և իրավաբանական անձինք, ասել է եվրոպական դիվանագիտության ղեկավար Ժոզեպ Բորելը։
Սահմանափակող միջոցներն անդրադարձել են նաև Պետդումայի 351 պատգամավորի։ Այսօր՝ փետրվարի 23-ին կհրապարակվի այն ֆիզիկական և իրավաբանական անձանց ցուցակը, որոնց նկատմամբ ԵՄ-ն պատժամիջոցներ է կիրառում։
Տաթև Ֆռանգյան
