10.10.2026 | 10:55
Ռոնալդուն 980-րդ գոլն է խփել կարիերայում. ՏԵՍԱՆՅՈՒԹ
«Պատգամավոր կա՝ կնոջ տանն է ապրում, բայց պետությունից վարձավճարի գումար է ստանում». Թովմասյան․ ՏԵՍԱՆՅՈՒԹ
Քաղաքականություն
23.02.2022 | 16:04
ԱԺ «Պատիվ ունեմ» խմբակցության պատգամավոր Թագուհի Թովմասյանն այսօր Պաշտպանության և անվտանգության հարցերի մշտական հանձնաժողովում ներկայացրեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագիծը:
Պատգամավոր առաջարկում է ծառայության վայրում ծառայողական բնակարանով չապահովվելու դեպքում պայմանագրային զինծառայողներին տրամադրել ամսական դրամական փոխհատուցում` Հայաստանի Հանրապետության կառավարության սահմանած կարգով և չափերով:
Թովմասյանը նշեց, որ գործող օրենքի կիրառման արդյունքում ի հայտ են եկել մի շարք խնդիրներ: Նրա խոսքով՝ խնդրահարույց դեպքերի հանգամանքները՝ որպես հանցագործության հատկանիշ հիմք են հանդիսացել, և 81 պայմանագրային զինծառայողների նկատմամբ քրեական գործեր են հարուցվել:
«Եթե զինծառայողը ներկայացնում է կադաստրից տեղեկանք, որ չունի սեփականություն, դա բավարար է, որպեսզի նրան դրամական փոխհատուցում տրվի, քաշքշուկ չպետք է լինի, նոտարական վավերացմամբ պայմանագիր չպետք է պահանջել…
Պատգամավոր կա՝ կնոջ տանն է ապրում, բայց պետությունից վարձավճարի գումար է ստանում: Պատգամավորին կարելի է, զինծառայողին չի՞ կարելի: Բա ինչո՞ւ չեք դատում, բռնե՛ք դատեք՝ գիտեք՝ ովքեր են»,- նշեց Թովմասյանը:
Մանրամասները՝ տեսանյութում:
