10.09.2026 | 21:13
Զինված միջադեպ Ստամբուլում․ երկու մարդ զոհվել է, մեկը՝ վիրավորվել
«Կխոսեմ այնքան, որքան անհրաժեշտ կգտնեմ». Հայկ Սարգսյանը հակադարձեց Անդրանիկ Քոչարյանին․ ՏԵՍԱՆՅՈՒԹ
Քաղաքականություն
23.02.2022 | 15:31
ՀՀ պաշտպանության և անվտանգության հարցերի հանձնաժողովի նիստում քննարկվում է ԱԺ «Քաղաքացիական պայմանագիր» խմբակցության պատգամավոր Հայկ Սարգսյանի ներկայացրած նախագիծը, որով առաջարկում է փոփոխություն կատարել «Զինվորական ծառայության և զինծառայողի մասին» օրենքում:
Փոփոխության արդյունքում ՀՀ պաշտպանության ժամանակ կամ ԶՈՒ-ում կամ ՀՀ միջազգային պայմանագրերով ՀՀ-ում տեղակայված օտարերկրյա պետությունների զինվորական ստորաբաժանումներում զինվորական ծառայության ընթացքում զոհված, մահացած ծնող, եղբայր կամ քույր ունեցող անձը կազատվի պարտադիր զինվորական ծառայությունից:
Սարգսյանը նշեց, որ հիմնական մտահոգությունը եղել է այն, որ այս նախագիծը լուրջ հարված կլինի զինված ուժերին և պաշտպանունակությանը և հավելեց, որ ամեն զորակոչին 10-20 զինծառայողի՝ այս հիմքով ազատվելը մարտունակության առումով խնդիր չի առաջացնի
«Վերջին 10-20 տարում ինչպես է պակասել մեր զորակոչի թիվը. ինձ մոտ թվերով կան, եթե մեր պատգամավորները ցանկանան, կարող եմ ներկայացնել»,- նշեց Սարգսյանը:
Հանձնաժողովի նախագահ Անդրանիկ Քոչարյանը նշեց, որ դա այլ քննարկման նյութ է և հորդորեց մեկ րոպեից ավարտել ելույթը:
Սարգսյանը հակադարձեց՝ ասելով որ այլ քննարկման նյութ չէ, քննարկվող օրենքի տրամաբանության շրջանակում է: «Կխոսեմ այնքան, որքան անհրաժեշտ կգտնեմ»,- նշեց պատգամավորը:
Մանրամասները՝ տեսանյութում:
